Mercedes-AMG C 63 tvinnbíll toppar C-Class
Nýr AMG C 63 Mercedes er með 2.0 lítra, fjögurra strokka vél í stað V-8 vélarinnar
BERLÍN - Mercedes-AMG afhjúpaði C 63, nýja toppgerð C-Class bílaframleiðandans, með tvinndrifrás sem kemur í stað hefðbundinnar V-8 vélar.
Afkastamikil rafhlaðan í C 63 býður upp á 6,1 kWst afkastagetu, 70 kW stöðugt afl og 150 kW hámarksafl í tíu sekúndur.
Lithium ion 400 volta rafhlaðan var þróuð í samstarfi við High Performance Powertrains (HPP) Formúlu 1 vélaverkstæðisins í Brixworth á Englandi og Mercedes-AMG í Affalterbach í Þýskalandi.
Sem dæmi um uppfærða hönnun á nýja C 63 eru meðal annars AMG merki og tveggja arma stýri.
Einn nýstárlegur eiginleiki er bein kæling á rafhlöðusellunum, fyrir hana þurftu sérfræðingar AMG að þróa nýjar kælieiningar sem eru millimetra þunnar, sem tryggja stöðugt, ákjósanlegt vinnuhitastig fyrir sellurnar.
Hleðsla er í gegnum uppsett 3,7 kW hleðslutæki um borð með riðstraumi í hleðslustöð, veggkassa eða heimilisinnstungu. Mercedes-AMG getur ekið um 13 km á hreinu rafmagni.
Í fyrsta skipti í C 63 sendir fullbreytilegt AMG Performance 4MATIC+ fjórhjóladrifskerfið drifkraftinn út til allra hjóla og býður upp á virka stýringu á afturhjólum sem staðalbúnað.
Aðrir eiginleikar eru AMG „Ride Control“ fjöðrun með aðlögunardempunarkerfi, átta mismunandi akstursstillingar og sérsniðin hljóðhönnun innan og utan bílsins.
Báðar gerðirnar koma á markað sem fólksbifreið og stationgerð samtímis og eru byggðar á breyttri AMG yfirbyggingu með framenda sem er 50 mm lengri og heildarlengd bílsins er 83 mm lengri en venjulegur C-class.
Mercedes segir að hröðun C 63 úr 0 í 100 km/klst sé 3,4 sekúndur.
Uppfærð hönnunarmerki á ytra byrði, þar á meðal AMG merki, tveggja arma stýri, og sérstakt áklæði og saumamynstur að innan, aðgreina C 63 enn frekar frá venjulegum C-class.
Viðbótaraðgerðir í stjórnklefa eru MBUX upplýsinga- og afþreyingarkerfið, sem býður upp á nokkrar AMG-sérútfærslur, þar á meðal sprettiskjá í sjónlínu ökumanns (HUD) með skjástillingum þar á meðal „Race“ og „Supersport“.
(frétt á vef Automotive News)
Aðrar umfjallanir
DETROIT- Nýja útgáfan af Jeep Grand Cherokee 4xe, sem núna er einnig kominn sem tengitvinnbíll mun bjóða um 65 km rafmagnsdrægni...
Forstjóri Volkswagen hefur endurvakið umræðu um lítinn rafknúinn bíl á sem yrði ódýrari en ID 3...
Það er ekki að undra að maður spyrji! Jafngildir það ekki að aka með lokuð augu að slá inn skilaboð á messengerinn á 96 kílmótra hraða á...
Meira en 400.000 ökutæki sem verða fyrir áhrifum eru í Svíþjóð, meira en 300.000 eru í Bandaríkjunum og 178.000 eru í Þýskalandi...