Uppfærðar gerðir Renault Trafic Passenger og SpaceClass kynntar
- Endurnýjaðir fjölnotabílar frá franska vörumerkinu verða frumsýndir snemma á næsta ári með bættum búnaði og endurgerðri yfirbyggingu
Renault Trafic hefur verið vinsæll um alla Evrópu sem bíll fyrir litla hópa, sem leigubíll og jafnvel fyrir „sparihópa“ auk þess að sendibílsútgáfan hefur verið vinsæl sem slík. Þessa bíla hefur mátt sjá hér á landi sem leigubíla, einkabíla, sendibíla og jafnvel sem ferðabíla til gistingar.
Renault mun fljótlega setja uppfærðar útgáfur af Trafic Passenger og Trafic SpaceClass á markað. Báðir þessir „fjölnotabíla“ sem eru byggðir á sendibílum verða settir á markað snemma á næsta ári þar sem þeir munu bjóða upp á nýja samkeppni við Volkswagen Caravelle T6 og Ford Tourneo Custom.
Báðir sendibílarnir eru með mildri endurhönnun að utan, með nýju grilli, smávægilegri breytingu á vélarhlíf, nýjum stuðurum og nýjum LED framljósum sem enduróma C-laga hönnun merkisins sem notað er á Clio og Captur „crossover“.
Kaupendur farþegaútgáfunnar fá nýja hjólkoppa, en SpaceClass mun verða með nýjar 17 tommu álfelgur. Renault hefur einnig tilkynnt að báðar gerðinar verði fáanlegar í vali á sjö málningalitum, þar á meðal nýjum Carmin Red Metallic-lit.
Að innan munu báðir bílarnir nýtt mælaborð með nýjum loftopum, loftslagsstýringum og sjálfvirku vali á gírum - sem allt kemur frá Clio. Kaupendur fá einnig nýjan átta tommu upplýsingaskjá í stað sjö tommu kerfi gamla módelsins sem bætir við stuðningi við Apple CarPlay og Android Auto.
Einnig er til nýr loftpúði að framan, sem hefur verið endurhannaður til að vernda báða farþega að framan ef slys verður.
Að lokum mun Renault setja af stað röð nýrra valkostapakka til viðbótar við uppfærðu sendibílana. Prestige Pack fyrirtækisins bætir við tveimur sveiflanlegum skipstjórastólum að framan, þriðju sætisröðinni, lesljósi og leðuráklæði. Nýi „ævintýrapakkinn“ hjá Renault er með svipaðan búnað en þriðju sætaröðinni er einnig hægt breyta í samanbrjótanlegt rúm.
Vélar farþegaútgáfu sendibílanna verða byggðar á 2,0 lítra fjögurra strokka dísilvél Renault, sem mun fást í þremur útgáfum - 108 hestöfl, 148 hestöfl og 168 hestöfl. Tvær kraftmestu vélarnar verða með sex gíra beinskiptan gírkassa sem staðalbúnað, en flaggskipið er með sex gíra sjálfskiptingu með tvöfaldri kúplingu.
(byggt á frétt á Auto Express)
Aðrar umfjallanir
Margir bíleigendur eru með þann háttinn á að vera með vetrar- og sumardekk á felgum svo það er auðvelt að skipta um vor og haust...
Ronnie Corbett, skoski leikarinn lágvaxni sem margir muna eftir úr Bond-myndinni Casino Royale sem og úr ýmsum breskum skemmtiþáttum, lék í mjög frægri Ford Escort auglýsingu árið 1969.
LOS ANGELES - Hyundai hefur sent frá sér fyrstu myndirnar af Santa Cruz, litlum pallbíl, sem fer í sölu á þessu ári og er með svipuð útlitseinkenni...
Ford er reyndar ekki að framleiða radrfina Bronco bíla – að minnsta kosti ekki enn. Hins vegar er möguleiki á að ná sér í rafdrifið tryllitæki í...