Eru sumardekkin örugglega í lagi?
Margir bíleigendur eru með þann háttinn á að vera með vetrar- og sumardekk á felgum svo það er auðvelt að skipta um vor og haust.
Það eina sem þarf að gera er að skoða hvort dekkin séu í lagi, mynsturdýptin sé nægilega góð fyrir næsta tímabil.
En eru dekkin örugglega nógu góð? Hér á mínum bæ eiga báðir bílarnir sitt hvorn ganginn á felgum og þessi háttur hefur verið hafður á um langt árabil. En á dögunum kom í ljós að ástandið á sumardekkjunum á fólksbílnum var ekki nægilega gott! Eitt dekkið hélt ekki vel lofti og þegar nánar var að gáð voru komnar örfínar sprungur á ytri brún banans, og það lak með einni af þessum sprungum. Sjálfur slitflöturinn var með meira en nægilega mikla dýpt, þannig að þess vegna hefðu þessi dekk dugað ágætlega í sumar.
En það var settur „tappi“ í sprungugatið – og nú bíður bíllinn þess að það verði fundin ný sumardekk áður en honum verður hleypt aftur út í umferðina.
Örfínar sprungur á brún banans eru merki um að þetta dekk er komið að leiðarlokum.
En það lak loft um eina af þessum litlu sprungum, málinu bjargað með „tappa“ og nú bíður bíllinn eftir nýjum dekkjum fyrir sumarið.
Við fyrstu sýn var allt í lagi – ágæt mynsturdýpt – en annað kom á daginn!
Aðrar umfjallanir
Við heyrum stöðugt fréttir af nýjum bílum frá Asíu sem eru að koma á Evrópumarkað, einkum nýjum rafbílum. Hongqi E-H59 er einn þeirra og hann er kominn til landsins!
Jeep hefur kynnti High Altitude útlitspakkann fyrir Grand Cherokee 4xe tengiltvinnbílinn í New York á dögunum...
Þar sem Volkswagen stendur nú á tímamótum með nýja ID3 bílinn er ekki úr vegi að rifja upp söguna og skoða myndir af fallegum forverum hans....
LONDON - Rolls-Royce er að þróa sjálfstæðan rafbíl til að undirbúa það að eiga bíl þegar lokun nokkurra miðbæja fyrir bílum með brennsluvélum...