Bentley að verða eingöngu framleiðandi rafbíla
- Bentley - stærsti framleiðandi 12 strokka véla í heiminum - mun hætta með þær allar og skipta yfir í eingöngu hreint rafmagn í lok áratugarins
Bentley verður bílaframleiðandi sem verður eingöngu með rafbíla árið 2030 þar sem stefnt er að því að vera kolefnishlutlaus framleiðandi í lok áratugarins, samkvæmt því sem breska vörumerkið hefur staðfest.
Tilkynningin er hluti af „Beyond100“ stefnu fyrirtækisins (þar sem vísað er í 100 ára sögu fyrirtækisins), þar sem því er lýst hvernig Bentley mun stefna að því að verða „leiðandi á heimsvísu í sjálfbærum lúxus hreyfanleika.“
Nýr Bentley coupé rafbíll mun leiða rafvæðingu vörumerkisins.
Til skemmri tíma litið mun allt vöruúrval Bentley færast í átt að drifrasum með tengitvinnmöguleika. Bentayga er eins og er eina tengitvinngerðin sem boðið er upp á í línunni en fyrirtækið hefur staðfest að tveir PHEV-bílar til viðbótar koma á markað á næsta ári - búist er við að þeir verði Continental GT og Flying Spur.
Bentley Bentayga er eini tengitvinnbíll fyrirtækisins í dag.
Fyrsta rafknúna ökutæki Bentley, sem aðeins notar rafhlöður, mun koma árið 2025, þó að fyrirtækið hafi ekki lýst nákvæmlega á hvaða svæði markaðarins sá bíll muni keppa. EXP 100 GT hugmyndabíllinn sem kom í ljós árið 2019 gaf okkur þó hugmynd um hvernig Bentley sá fyrir sér rafknúið ökutæki.
Bentley EXP 100 GT.
Bentley EXP 100 hugmyndabíllinn þykir vera með djarfar línu í útliti.
Innan eins árs frá upphafi fyrsta rafbílsins, mun allt vöruframboð Bentley samanstanda af tengitvinnbílum (PHEV) og rafknúnum ökutækjum sem eingöngu nota rafhlöður.
Adrian Hallmark, stjórnarformaður og framkvæmdastjóri Bentley, sagði: „Að vera í fremstu röð framfara er hluti af erfðaefni okkar; upprunalegu Bentley strákarnir voru frumkvöðlar og leiðtogar. Nú, þegar við lítum út fyrir að vera Beyond100, munum við halda áfram að leiða með því að finna upp fyrirtækið á nýtt og verða viðmiðun fyrir lúxusbifreiðir í heiminum.
Það kemur á óvart hve framtíð Bentley virðist ætla að verða „græn“ miðað við sögu fyrirtækisins og stórar vélar þess.
„Innan áratugar mun Bentley breytast úr 100 ára lúxusbílafyrirtæki í nýja, sjálfbæra, að öllu leyti siðferðilega fyrirmynd fyrir lúxus“.
Bentley mun einnig vinna með birgjum, sem þurfa að standast sjálfbærniúttekt, til að verða algerlega kolefnishlutlaus aðgerð fyrir árið 2030. Breytingar verða einnig innleiddar í verksmiðju fyrirtækisins í Crewe, sem Bentley fullyrðir að sé þegar kolefnishlulaust, svo sem að treysta meira á sólarorku.
(byggt á heimasíðu Bentley og Auto Express)
Aðrar umfjallanir
Hvað gerir maður til að vekja athygli á mikilvægu málefni? Tjah, það segir sig nokkurn veginn sjálft: Maður fer á rallýbíl, mjög gömlum rallýbíl, á Suðurskautslandið. Ekki satt?
BMW og Ford munu fá sína fyrstu fastefnisrafhlöður frá sprotafyrirtækinu Solid Power í Bandaríkjunum fyrir lok þessa árs.
Öll þekkjum við Aston Martin DB5 sem „Bond-bílinn“ – sem kappinn notaði í fjölda mynda. Nýjasta gerðin er DBX...
Serial 1 vörumerki Harley-Davidson afhjúpaði nýjasta rafhjólið sitt á þriðjudaginn, og það er svolítið þannig að men velta vöngum...