Dýrasti botnlangi Íslandssögunnar?
Í roki og rigningu snemma í sumar tók undirrituð þá gölnu ákvörðun að aka „hina leiðina“ suður frá Súgandafirði. Á fornbíl.
Mynd: Haukur Már Harðarson.
Alla jafna ekur maður yfir Þröskulda, Steingrímsfjarðarheiði og um Djúpið til að komast á þann sælureit sem Suðureyri við Súgandafjörð er. Sé sú leið ekki farin er ekki um annað að ræða en að aka suðurfirðina, þ.e. Bjarkalundur, Flókalundur, Dynjandisheiði og loks hin eftirminnilega Hrafnseyrarheiði.
Kaffi og kökur seinna
Dýrafjarðargöng eru afskaplega flott. Þau eru nýtískuleg, vel upplýst, led-lýsing í vegköntum og brunavarnir úthugsaðar. Göngin eru 5,6 km löng, malbikuð og með steyptum upphækkuðum öxlum. Í þeim eru tíu útskot, þar af fjögur snúningsútskot. Inni í göngunum eru fjögur steypt tæknirými og tvö fjarskiptahús utan ganga.
Mynd: Malín Brand.
Alla jafna er boðið upp á kaffi og kökur við slíkan stórviðburð sem vígsla umferðarmannvirkja er en það verður að bíða betri tíma vegna sóttvarnaráðstafana.
Mokaði heiðina í 46 ár
Fyrstir allra til að aka um göngin eftir formlega opnun voru nemendur úr grunnskóla Þingeyrar og með þeim í för var Gunnar Gísli Sigurðsson frá Ketilseyri en hann hefur mokað Hrafnseyrarheiði í 46 ár.
Mynd: Malín Brand.
Að því er fram kom í greinargóðri umfjöllun um málið í Morgunblaðinu er bíllinn með myndavélabúnað og hitamyndavél þannig að hægt er að aka inn í göng þótt í þeim sé reykur.
Fjórðu göngin á svæðinu
Dýrafjarðargöng eru fjórðu göngin á því svæði sem tilheyra umdæmi Slökkviliðs Ísafjarðarbæjar. Bolungarvíkurgöng eru 5,4 km löng og voru þau opnuð árið 2010, Vestfjarðagöngin eru næstlengstu göng landsins, 9,1 km og voru opnuð 1996 og síðast en ekki síst ber að nefna fyrstu göngin á Íslandi en það eru göngin um Arnardalshamar sem eru frá 1949. Þau eru ekki löng, aðeins 30 metrar en opnuðu fyrir samgöngur á milli Súðavíkur og Ísafjarðar.
Stórt skref
Dýrafjarðargöngin eru vissulega stórt skref í samgöngumálum Vestfjarða. Nýir vegir um Teigsskóg og Dynjandisheiði eru líka í bígerð og munu eflaust færa Vestfirði enn nær nútímanum og þá einkum sunnanverða Vestfirði.
Mynd: Haukur Már Harðarson.
Til hamingju með göngin Vestfirðingar sem og allir Íslendingar!
Myndir: Haukur Már Harðarson og Malín Brand
Aðrar umfjallanir
Starfsfólk í lúguafgreiðslu hittir fyrir margar gerðir bílstjóra. Þeir eru ekki allir sniðugir en þeir eru efniviður í sögur sem starfsfólk hefur deilt. Tjah, og fyrrverandi starfsfólk (kannski af því að það deildi sögunum…).
Það er ágætt að heyra hvað þeim sem lifa og hrærast í heimi bíla finnst best og verst af því sem þeir skoða. Mat Watson hjá CarWOW er virkilega mikill bílakarl og hér er samantekt hans á því flottasta og ljótasta á markaði 2022.
Rúmlega sex metra hár, sex metra breiður og fjórtán metra langur er þessi Hummer. Hann er með stærri ökufærum bílum veraldar.
Skipuleggjendur bílasýningarinnar í Genf hafa afturkallað umsókn sína um fjárhagslegan stuðning frá Genfar-kantónunni í kjölfar...