Opel Crossland missir „X“ í nafninu; fær nýja útlitið frá vörumerkinu
Opel / Vauxhall hefur gefið Crossland, litla sportjeppanum nýja „Vizor“ útlitið að framan sem hluta af andlitslyftingu á miðjum líftíma bílsins.
„Vizor“ hönnunin, sem samþættir aðalljós, grill og lógó í einn flöt, var frumsýnd á nýja Mokka. Þetta sækir áhrif fráá Opel GT X, rafknúnu sportjeppahugmyndabílnum frá 2018 sem sótti innblástur í Opel Manta coupé snemma á áttunda áratugnum.
Opel / Vauxhall Crossland skipaði sjötta sætið í flokki lítila sportjeppa- og „crossover“ í Evrópu í fyrri hluta ársins með 42.726 bíla sölu,
Crossland var ein af fjölda gerða sem General Motors þróaði með PSA Group sem hluti af iðnaðarsamstarfi sem bílaframleiðendurnir tveir skrifuðu undir árið 2012, áður en PSA keypti Opel / Vauxhall af GM árið 2017. Crossland er í „systkinahópi“ með Citroen C3 Aircross, og ökutækin tvö eru smíðuð í verksmiðju PSA í Zaragoza á Spáni.
Crossland var fyrst sýndur almenningi á bílasýningunni í Genf 2017 og kom ekki löngu eftir að PSA opinberaði áform sín um að kaupa Opel / Vauxhall.
Hann kom í stað Meriva smábílsins af svipaðri stærð í framboði Opel, í viðleitni til að nýta sér aukna eftirspurn eftir sportjeppum og crossover.
Sala Crossland jókst úr tæpum 39.000 árið 2017 í tæp 115.000 árið 2019. Hann var í sjötta sæti í flokki lítilla sportjeppa / crossover fyrri hluta árs 2020 með 42.726 bíla sölu, samkvæmt gögnum frá JATO Dynamics, sem er samdráttur um 34 prósent. Renault Captur leiddi flokkinn með 70.148 bíla sölu. Hlutinn lækkaði um 37 prósent á fyrri hluta ársins.
Aftur á móti notar nýi Mokka CMP grunninn og býður upp á bensín, dísil og rafknúnar drifrásir.
Varðandi aðra gerð sem PSA og GM þróuðu sameiginlega, Grandland X sportjepplingurinn, er gert ráð fyrir andlitslyftingu á næsta ári og sá bíll missir einnig „X“ úr nafni sínu.
Þessi gerð Crossland með uppfærðu útliti verður fáanlegur í sýningarsölum umboða snemma árið 2021, sagði Opel.
Opel / Vauxhall Crossland hefur endurnýjaðar hlífðarplötur að framan og aftan.
(frétt á Automotive News Europe)
Aðrar umfjallanir
Dauðinn er alltaf áfall, jafnvel þegar þú veist að hann er að koma og opinberunin í síðustu viku um að Skoda Citigo - og þar með væntanlega Volkswagen Up og Seat Mii...
Hver man ekki eftir Panasonic hljómtækjamerkinu með meiru? Tesla hefur gert þriggja ára samning við japanska tæknirisann Panasonic...
Bíllinn sem fæstir eiga aur fyrir en flestir hafa gaman af að horfa á: Range Rover Sport. Já, hér er hann frumsýndur og áhorfendur geta fylgst með í beinni. Ísland kemur nokkuð við sögu og meira að segja sjálfur Lagarfljótsormurinn .
Enn sem komið er höfum við aðeins séð bílinn sem hugmyndabíl í framúrstefnulegri umbúðum og pakkaðan með háþróaðri tækni...