Bílasýningin í Genf gæti snúið aftur árið 2021
Bílasýningin í Genf gæti komið aftur í mars 2021 sem þriggja daga viðburður eingöngu fyrir fjölmiðla.
Bílaframleiðendum býðst pakki með öllu inniföldu sem dekkar kostnað við gesti og gistingu fyrir gesti, samkvæmt skjölum sem Automotive News Europe hefur séð.
Enginn bílaframleiðandi hefur staðfest þátttöku hingað til og heilbrigðisyfirvöld á staðnum þyrftu að veita samþykki sitt.
„Þetta aðlögunartímabil býður upp á tækifæri fyrir okkur til að finna aftur starfsgrein okkar, þróa atburði okkar og búa til nýja vettvang til að leiða fólk saman bæði persónulega og í sýndarveruleika“, sögðu embættismenn Palexpo í bæklingi fyrir viðburðinn árið 2021 sem ANE sá.
Ekki náðist í embættismenn Palexpo vegna fréttar um bæklinginn.
Sýningarbásar bílaframleiðanda og aðal sviðið yrði útvegað af Palexpo sem hluti af pakkanum með öllu inniföldu, samkvæmt bæklingi fyrirtækisins.
Val á þremur pökkum
Bílaframleiðendum hefur verið boðið upp á þrjá pakka á bilinu 150.000 franka til 750.000 franka.
Aðgangspakkinn inniheldur sýningarbás með plássi fyrir einn bíl, gistingu fyrir 10 fjölmiðlagesti sem og notkun fullbúins sviðs með LED sjónvarpsvegg, snúningspalli og sérsniðnu vörumerki.
Dýrasti pakkinn veitir pláss fyrir fjóra bíla til að sýna og allt að 100 fjölmiðlagesti.
Bílaframleiðendur myndu einnig spara peninga vegna þess að lengd sýningarinnar yrði stytt í þrjá daga úr 15 dögum og uppsetningartími minnkaði í sjö daga frá mánuði áður.
Að auki væri tekið á móti kostnaði við gistingu fyrir fjölmiðlafesti þar sem bílaframleiðendur hafa lengi kvartað yfir hækkuðu verði á hótelherbergjum í Genf meðan á sýningunni stóð.
Nýtt „eðlilegt“ ástand
Bílaframleiðendur hafa snúið frá hefðbundnum bílasýningum þar sem hækkandi þróunarkostnaður hefur þrengt að fjárhagsáætlunum og þeir hafa þróað árangursríkar aðrar leiðir til að koma bílum af stað með sýndarveruleikaviðburðum.
Genf er þó enn vinsæl sem sýning hjá bílaframleiðendum sem kunna að meta minna umfang og auðvelt aðgengi.
„Við elskum Genf. Þetta er skiljanleg sýning“, sagði Richard Carter, samskiptastjóri Rolls-Royce, við ANE.
„Þetta er eina [ekki kínverska] sýningin sem við viljum vera á, að minnsta kosti næstu árin“.
Keðjuverkun
Afpöntunin á Genf sýningunni í ár vegna kórónaveirunnar setti af stað atburðarás sem varð til þess að GIMS stofnunin hætti við 2021 viðburðinn, hik kom í rekstur þess og fyrirtækið bauðst til að selja sýningarréttinn til Palexpo.
„Miðað við það sem ég þekki í viðskiptasýningarbransanum, ef við töpum dagsetningunni, er það of erfitt að koma aftur“, sagði framkvæmdastjóri Palexpo, Claude Membrez, við ANE í júlí.
En embættismenn GIMS stofnunarinnar telja að halda minni sýningu í Genf sendi röng skilaboð.
„Það er mikilvægt að næsta sýning sé góð en ekki lítil, minnkuð,“ sagði Sandro Mesquita framkvæmdastjóri GIMS stofnunarinnar við ANE í maí. „Það er ekki það sem vörumerkin búast við. Ef þau koma til Genf er það vegna þess að það er stór alþjóðleg bílasýning og ekki lítil svæðisbundin sýning“.
Bifreiðarsýningin í Genf er stærsti viðburður Sviss og hefur jafnan aflað um 200 milljóna franka í tekjur fyrir borgina, hafa yfirvöld sagt.
Palexpo-sýningarsvæðið, sem var byggt árið 1981 til að mæta bílasýningunni, var síðan stækkað með árunum í 106.000 fermetra eftir því sem sýningin stækkaði.
Palexpo er 80 prósent í eigu yfirvalda í Genf.
(frétt á Automotive News Europe)
Aðrar umfjallanir
Tim Whitrow skildi bílinn eftir opinn stundarkorn úti á vínekru nokkurri í Ástralíu. Bíllinn var í gangi og loftkælingin sömuleiðis. Þetta var aldeilis eitthvað sem villtur kóalabjörn kunni að meta. Svalandi og fínt. Kóalabjörninn lét fara vel um sig aftur í bílnum og var síður en svo á förum.
Skömmu fyrir 100 ára afmælið var Audrey Matheson spurð hvernig hún vildi fagna tímamótunum. Jú, það var eitt sem hana langaði að gera og það var að fara í bíltúr á rauðri Corvettu. Og að bílnum væri ekið hratt!
Á þremur mínútum er gamla rafhlaðan tekin úr og ný fullhlaðin komin í staðinn.
Það hlaut að koma að því: Að framtíð og fortíð hittust á miðri leið! Það gerðist í dag á Samgönguminjasafninu Ystafelli þegar DMC DeLorean kom á safnið ásamt fríðu föruneyti.