Klettaklifur á nýjum Bronco
Bílablaðamaðurinn Greg Rasa sem skrifar fyrir Autoblog birtir tvö myndbönd af nánast óbreyttum Bronco sem ekið er um Rubicon Trail, 35 kílómetra torfærubraut í Nevada eyðimörkinni.
Um er að ræða Bronco Badlands í fjögurra dyra beinskiptri útgáfu en undir honum eru 33 tommu Goodyear MT dekk sem komið hefur verið fyrir á Ford Performance Bead Lock felgum. Umræddur bíll er með 4.70 gírhluföll.
Nánast óbreyttir bílar
Hinn Broncoinn er sjálfskiptur, tveggja dyra á orginal felgum en dekkin á honum eru 33 tommu BFG AT. Gírhlutföll á þeim bíl eru 4.46. Við reiknum með að sá sem tók upp þessi myndbönd hafi einfaldlega spurt þá Ford menn hver gírhlutföllinn væru á hvorum bíl - því þær upplýsingar virðast koma svona nokkurnveginn út í buskann.
En með öðrum orðum - þessir bílar eru nánast óbreyttir og ekki búnir hinum svokallaða Sasquatch pakka. Pakkinn sá innifelur 35 tommu dekk á 17 tommu Bead Lock felgur, læst mismunadrif að framan og aftan og Bilstein dempara svo eitthvað sé nefnt.
Hækkið í græjunum
Allavega - hér eru myndböndin ykkur til skemmtunar - takið eftir náunganum í bláa bolnum á síðara myndbandinu sem eyðilagði næstum daginn hjá sér með því að ganga í veg fyrir jeppann um leið og hann keyrir upp á grjótlagða brekkuna. Og hækkið svo í græjunum til að heyra þegar bílarnar skrapa grjótið.
Byggt á grein Autoblog og myndböndum frá Bronco6G
Aðrar umfjallanir
Heimsmetin eiga hug manns allan þessa dagana. Þá daga sem maður slær þau ekki sjálfur er gott að skoða heimsmet annarra. Í gær var það lengsti bíll í heimi, sem sló eigið met, en í dag eru það önnur bílatengd met og jafnvel heimsmet.
OSLO - Mustang Mach-E, rafmagnsbíll Ford, fór í efsta sæti í bílasölu Noregs í maí, fyrsta heila mánuðinn af skráningum á þessum markaði...
11 manna bíll, með eindæmum sparneytinn, kemst leikandi upp í 190 km/klst og getur haldið þeirri ferð á hraðbrautinni? Jú, það er ekki galin tilhugsun í dag. En hvað með árið 1933? Bandaríski hugvitsmaðurinn Buckminster Fuller hannaði slíkt ökutæki.
Hafið þið heyrt um gaur í Vesturheimi sem fjárfesti í æðisgengnum sportbíl frá Kína? Bíllinn er geggjaður og heitir Qiantu K50. Þetta er rafbíll, 375 hestöfl og er 4,2 sekúndur frá 0-100 km/klst. Svakalega flottur bíll. En svo opnaði kaupandinn kassann þegar bíllinn kom, 8 mánuðum síðar.