Flottur Maxus Euniq fjölnotabíll
Fyrsti Toyota bíllinn kom til Íslands árið 1965. Salan var treg í upphafi og menn höfðu mismikla trú á þessum japanska bíl. Er það bara þannig að við hræðumst það sem við þekkjum ekki?
Nú, rúmum fimmtíu árum síðar er kominn hátæknibíll frá einu fjölmennasta ríki heims, Kína.
Vel útbúinn Maxus Euniq frá Vatt ehf. í Skeifunni 17.
Enn eru menn að velta fyrir sér mismunandi gæðum bíla, hvað þeir geta, hvað þeir endast og hvort þeir vilja eiga hinn eða þennan bílinn.
Við ætlum aðeins að skoða þetta betur með reynsluakstri á nýjum Maxus Euniq, kínverskum fjölnotabíl sem vakið hefur athygli fyrir margra hluta sakir.
Sérlega fallegur fjölnota bíll.
Maxus Euniq kemur frá Saic Motor í Kína.
Vinsælar vörur frá Kína
Vissuð þið að Volkswagen var að opna eina fullkomnustu bílaverksmiðju í heimi í Kína – í samstarfi við Anhui Jianghuai Automobile Co., Ltd um þróun rafdrifinna ökutækja. iPhone er framleiddur í Kína, Canon er vörumerki framleitt í Kína og eggjarúllur er einn þekktasti réttur þeirra kínverja.
Skemmtileg hönnun þar sem blái liturinn táknar rafmagn.
Hvar er samkeppnin í þessum flokki?
En snúum okkur að umræðu dagsins. Það er Maxus Enuiq, rafdrifinn fjölnotabíll.
Þéttur á velli og sterklegur ásýndar er um að ræða sjö sæta bíl með drægni skv. WLTP staðlinum upp á rúma 350 kílómetra. 52.5 kWh rafhlaða sem gefur bílnum 177 hestöfl og 310 Nm tog gerir þennan bíl nokkuð athygliverðan.
Maxus er hægt að aka á allt að 160 kílómetra hraða á klukkustund – þó svo að við hér á Íslandi höfum svo sem ekki mikið með þann hraða að gera – sýnir það hve þessi bíll er öflugur í samanburði við rafmagnsbíla á markaðnum.
Afturhlerinn er rafdrifinn og opnast mjög vel.
Farangursgeymslan ef þriðja sætaröðin er ekki notuð er á pari við meðal búslóðageymslu.
Það er annars ekki auðvelt að negla Maxus Euniq niður í ákveðinn flokk rafmagnsbíla því það er í raun enginn svona stór, rúmgóður og tæknilega vel búinn bíll á nálægt því eins góðu verði.
Sá eini sem mér dettur í hug akkúrat núna er Mercedes Benz EQV átta sæta en þar er byrjunarverðið tæpar 12 milljónir á meðan Maxus Euniq kostar kr. 6.690 þús.
Ótrulega vel búinn
Maxus Euniq er ótrulega vel búinn bíll. Maður finnur ákveðin gæði um leið og maður sest undir stýri. Mjúk og þægileg leðursætin eru vel hönnuð og maður situr mjög vel. 12.3 tommu panorama margmiðlunarskjár er kýrskýr og hraður. Upplýsingaskjár í miðju mælaborðs gefur manni greinagóðar upplýsingar um stöðu mála varðandi akstur, rafmagnsnotkun og aðarar hagnýtar upplýsingar.
Vandaður frágangur, vandað efnisval og falleg hönnun - allt á sínum stað.
Vel formuð LED ljós eru bæði að framan og aftan ásamt fjarlægðarskynjurum, brekkuvara, akreinavara, skynvæddum hraðastilli, blindpunktaviðvörun og sjálfvirku neyðarhemlunarkerfi.
LED ljós prýða bílinn allan hringinn.
Örugguglega öruggur
Loftpúðar fyrir ökumann og farþega frammí, hliðarloftpúðar, gardínuloftpúðar, bakkmyndavél ásamt öðrum þeim öryggisbúnaði sem við viljum sjá í nútíma bílum í álfunni.
Við erum að tala um viðvörun fyrir öryggisbelti í öllum sætum ásamt Isofix festingum í þremur sætum.
Sætin eru þægileg og falleg í senn. Bíllinn er búinn öllu því helsta sem við viljum sjá í nútíma bílnum.
Aftursætin eru á sleðum og þeim er hægt að halla.
Hvernig er að aka?
Lipur, rúmgóður og með fína fjöðrun. Léttur og þægilegur bíll, þéttur að velli og fer ákaflega vel með mann í akstri.
Aflið í rafmótornum sem er gefið upp um 177 hestöfl er að okkar mati nægt fyrir bílinn.
Við vorum að reynsluaka bílnum í skítaveðri, hvassviðri og næstum snjókomu og það heyrðist aðeins vindhljóð og pínu veghljóð – alls ekki neitt sem er frágangsök fyrir þennan annars ljómandi fína bíl.
Gott útsýni og fín sjónlína úr ökumannssætinu.
Er Maxus Euniq hentugur fyrir þig?
Bíllinn hentar án efa mjög breiðum hópi. Fjölskyldufólk í útivist, barnmargar fjölskyldur sem standa í skreppi og skutli.
Ef þú ert í golfi hentar farangursgeymslan meira fyrir heilt lið en þig einan.
Ég er líka nokkuð viss um að leigubílstjórar eigi eftir að sjá sér hag í notkun þessa bíls í slíkan rekstur.
Aðgengið er frábært - þú sest beint inn og hurðir eru stórar en léttar.
Verulega gott pláss í annarri sætaröð og ekki vandkvæðum bundið að komast í þriðju sætaröðina.
Ferskur andblær inn á bílamarkaðinn
Við erum að tala um ótrúlega vel búinn og athygliverðan bíl. Plássið er frábært, aðgengi er eitt það besta sem maður sér og þægindin aldrei langt undan. Þráðlausa símahleðslan er á sérlega þægilegum stað í miðjustokknum, USB hleðslutengi frammí og afturí ásamt tvískiptu loftfrískunarkerfi sem blæs á aftursætisfarþega í báðum aftari sætaröðunum. Það er rafdrifinn afturhleri og lyklalaust aðgengi.
Þú getur skapað þína stemningu með skemmtilega hannaðri lýsingu.
Maxus Euniq er frábær kostur fyrir stærri fjölskyldur. Hann er búinn öllum nútímaþægindum og nýjustu tækni. Hann er á alveg frábæru verði og hann er líka fjallmyndarlegur.
Við hjá Bílabloggi mælum með því að þú skoðir þennan bíl sem alvarlegan kost í bílakaupum ef þú ert að leita að hagkvæmum og tæknilega vel búnum bíl fyrir fjölskylduna – til ferðalaga, í vinnu eða ísbíltúra.
Helstu tölur:
Verð frá 6.690 þús.
Rafhlaða: 52,5 kWh.
Drægni: 356 km. skv. WLTP.
Hestöfl: 177.
0-100 km á klst. 9,5 sek.
Hámarkshraði: 160 km/klst.
CO2: 0 g/km.
L/B/H: 4825/1825/1778
Veghæð: 164mm.
Eigin þyngd: 1810 kg.
Hleðslutími AC 8 klst. (hitastig 25°)
Hleðslutími DC (30-80%) 30 mín.
Dráttargeta: 400 kg.
Aðrar umfjallanir
Stundum kemur reynsluakstur á nýjum bíl óvænt upp í hendurnar. Þegar ég kom hingað til Spánar fyrir viku þá lá það fyrir að ég þyrfti að leigja mér bíl að stærri gerðinni, því fyrir lá að sækja
Það vantar ekki að Frakkar kunna að hanna fallega bíla. Það á sannarlega við um Renault Clio og frá því hann „endurfæddist“ útlitslega árið 2012 (Clio IV) þá hefur...
Toyota á Íslandi kynnti nýverið uppfærðan Toyota CHR. CHR bíllinn vakti strax athygli þegar hann var kynntur fyrir framúrstefnulega og sportlega...
Það er tvennt sem ég hef getað stólað á alla mína ævi: Á hverjum sunnudegi eru pönnukökur hjá mömmu í morgunmat og það er alltaf til Toyota Corolla til að koma mér þangað.