Sportlegur rafdrifinn borgarbíll

Nýr Opel Mokka er sjálfsagt einn af þeim bílum sem hefur fengið hvað ríkulegasta uppfærslu á árinu 2021.

Þetta er bíll sem gott er að aka og vekur athygli fyrir djarft útlit.

Höfðar til margra

Hönnuðir Opel hafa teiknað bíl sem bæði virkar hvorutveggja sem hefðbundinn bíll með brunavél ásamt því að bera einkenni rafmagnsbílsins.

Vandað til verka

Að innan er útlit og efnisval í sérflokki. Framsæti eru sérlega vel heppnuð og halda mjög vel við bak og læri enda eru þau hönnuð í samstarfi við þýska baklækna.

Opel Mokka e er náskyldur bróður sínum Corsa sem kom, sá og sigraði á síðasta ári. Báðir 100% rafdrifnir og með sama rafmótor en drægni Mokka e er eilítið minni vegna stærðar- og þyngdarmuns.

Tilvalinn borgarbíll

Bíllinn kemur með 50 kWst. rafhlöðu sem dregur allt að 325 kílómetra skv. WLTP staðli. Hér heima í íslensku veðri má reikna með að bíllinn sé að komast um 200-230 km. á hleðslunni.

Margar gerðir

Bílabúð Benna sem er umboðsaðili Opel á Íslandi býður bílinn í fjölmörgum útfærslum og á frábæru verði. Mokka e Edition er grunnútgáfa og hún er sérlega vel búinn. Þar má nefna árekstrarviðvörun með neyðarhemlun, fjórir hátalarar og sjö tommu margmiðlunarskjár með blátannarbúnaði.

Varmadæla sem eykur skilvirkni miðstöðvar, rafmagnshandbremsa, skynvæddur hraðastillir, akreinavari og umferðamerkjaaðstoð, LED dagljósakerfi, regnskynjari í framrúði og þrjú aksturskerfi. Þau eru eco, normal og sport. Bíllinn er ágætlega snöggur og skemmtilegur í sport stillingunni en eyðir að sjálfsögðu mestri orku í þeirri stillingu.

Aðrar útgáfur eru Business Elegance sem kemur meðal annars með bakkmyndavél og leiðsögukerfi, GS Line Pack sem gerir bílinn ansi sportlegan og er með svörtum toppi.

Flott mælaborð

12 tommu mælaborðið er geggjað. Það samanstendur af stórum skjá sem mælaborðsskjá og öll grafík er toppflott og upplýsingamiðlun er einföld og skýr.

Ljúfur í akstri

Við vorum svo heppin hjá Bílablogg.is að fá að aka bílnum upp í Kjós og um Hvlafjörð, niður á Akranes og heim. Aksturseiginleikar bílsins komu vel fram í þeim túr. Stinn fjöðrun, nákvæmt stýri og góð sjónlína ökumanns eru það sem stendur uppúr.

Þú setur saman þinn eigin Mokka e

Reyndar er bíllinn alveg draumur í borginni, lipur og léttur og auðvelt að aka um þröngar götur og stræti. Þar á þessi bíll líka heima – sem ekta borgarbíll fyrir nútímafjölskyldu.

Útfærslur og verð ættu síðan ekki að koma í veg fyrir að þú finnir rétta Opel Mokka e sem passar þér.

Helstu tölur:

Verð frá kr. 3.990 þús. Reynsluakstursbíll Mokka e Ultimate 4.790 þús. (Tilboð í ágúst 2021).

Lengd (mm): 4151

Hæð (mm): 1532.

Breidd með spegla niðri / með spegla uppi (mm): 1987/1791.

Geymslupláss - aftursæti uppi: 350 lítrar.

Þyngd: 1598 kg.

Rafhlaða: 50 kWh (80% hleðsla á 30 mín með hraðhleðslustöð).

Hámarksafl: 100 kW, 136 hö.

Hámarkstog: 260 Nm.

Drægni: 324 km skv. WLTP.