Mercedes kynnir rafknúinn van-hugmyndabíl fyrir stækkandi framboð rafbíla

• EQT rúmar allt að 7 farþega og kemur á markað árið 2022

Mercedes-Benz var að kynna myndir og upplýsingar um rafknúna hugmynd að „van“-bíl sem bílaframleiðandinn segir að sé „nálægt því að vera tilbúinn fyrir fjöldaframleiðslu“ og er meðal þeirra gerða sem fyrirtækið bætir við til að breikka svið í rafbílum sem aðeins nota rafhlöður á næsta ári.

Bíllinn mun verða samferða Citan sendibílnum sem kynntur verður síðar á þessu ári, en útgáfa hans verður full rafknúin.

EQT „mun höfða til fjölskyldna og allra þeirra einkaaðila, óháð aldri, sem njóta tómstundaiðkunar og þurfa mikið pláss og hámarks breytileika án þess að láta frá sér þægindi og útlit“, sagði Marcus Breitschwerdt, yfirmaður sendibifreiða hjá Mercedes, í yfirlýsingunni.

Vörumerkið ætlar að smíða átta rafknúin ökutæki í þremur heimsálfum á næsta ári til að takast á við Tesla og halda keppinautum þar á meðal BMW í skefjum.

EQT mun keppa við ökutæki eins og rafknúna afbrigðið af Microbus frá Volkswagen, ID Buzz, sem ætlað er að ná til sýningarsalanna árið 2023.

Framleiðsla á „van“-bílum Mercedes verður að bregðast við auknum athugasemdum fjárfesta eftir að Daimler lýkur fyrirhugaðri endurskoðun á starfsemi þungaflutningabíla síðar á þessu ári.

Viðleitni sendibíladeildarinnar til að deila þróunarkostnaði með sameiginlegum bílaverkefnum með Renault og Nissan hefur að mestu mistekist. Mercedes hætti við X-Class pallbílinn sem var byggður á Nissan Navara vegna lélegrar sölu og viðskiptavinir urðu fyrir vonbrigðum með miðlungs gæði Citan litla sendibílsins sem deildi íhlutum með Renault.

Nissan gekk í síðustu viku til liðs við Renault við að selja lítinn hlut sinn í Daimler, sem keyptur var fyrir um áratug síðan til að tryggja samstarf þeirra.

(Bloomberg)