Nýr rafmagns Rolls-Royce nálgast
Rolls-Royce hefur ítrekað ætlun sína að koma með rafdrifinn lúxusbíl á markað í lok áratugarins
Það styttist í að Rolls-Royce kynni langþráð rafknúið ökutæki en forstjórinn Torsten Muller-Otvos lofar að rafbíllinn komi á þessum áratug. Þetta er á meðal þess er fram kom í tilkynningu framleiðandans sl. mánudag.
Rolls-Royce 102EX, einnig þekktur sem Phantom Experimental Electric (EE), er einhliða rafmögnuð útgáfa í frumgerð af Rolls-Royce Phantom VII. Bíllinn var búinn til af Rolls-Royce til að meta viðbrögð viðskiptavina og annarra hagsmunaaðila við rafmagns Rolls-Royce. 102EX var afhjúpaður á bílasýningunni í Genf 2011. Mynd: Rolls-Royce.
Rætt um rafmagns Rolls-Royce fyrir 120 árum
Í fyrrnefndri tilkynningu vísar Torsten Muller-Otvos til „nýrrar rafmagnsframtíðar hjá Rolls-Royce“ og segir: „Í apríl 1900 kom stofnandinn og forfaðirinn, Charles Rolls, með spádóm um rafvæðingu bifreiða.
Núna erum við búin að hraðspóla í yfir 120 ár, til þess þegar þegar ég lofaði opinberlega að við myndum koma með fyrsta hreina rafmagns Rolls-Royce á markaðinn, á yfirstandandi áratug.
Komnir af stað
„Og núna byrjar fyrirtækið okkar á sögulegu verkefni; að búa til fyrsta ofurlúxusbíl sinnar tegundar. Þetta mun gerast fyrr en margir töldu mögulegt, með ótrúlegri færni, sérþekkingu, framtíðarsýn og hollustu verkfræðinga okkar, hönnuða og sérfræðinga.“
Hafa verið að gera tilraunir með rafbíla
Rolls-Royce hefur áður gert tilraunir með fulla rafvæðingu á eigin ökutækjum: Fyrir meira en áratug síðan setti fyrirtækið á markað rafknúna hugmynd sem kallast 102EX á bílasýningunni í Genf. Sagt er að bílinn hafi verið sýndur við ýmis tilefni en Rolls-Royce hefur alltaf haldið því fram að bíllinn hafi aldrei verið ætlaður til framleiðslu.
(frétt á Auto Express)
Aðrar umfjallanir
Nissan Leaf númer 500.000 náði að rúlla af framleiðslulínunni, rétt í tæka tíð til að fagna alþjóðlega rafbíladeginum...
Þúsundir lítra af klístruðum kóladrykkjum geta heldur betur gert hraðbrautina varasama. Það fengu ökumenn að finna þegar „sturtað“ var úr Coca Cola-bíl á hraðbraut skammt frá Pomona í Kaliforníu fyrir fáeinum dögum.
Of margir hugmyndabílar nú á dögum eru bara útþynnt forsýning á framleiðslubílum...hér gefur á að líta greinargóða yfirferð á hugmyndabílum frá Jóhannesi Reykdal. 1. hluti af 4.
Þá er hann loks formlega kominn fram á sjónarsviðið – nýr Nissan Qashqai sem margir hafa beðið eftir með óþreyju...