Land Rover kynnir nýjan Defender og nýja „limited edition“ útgáfu Discovery
Ný afbrigði Land Rover Defender „Hard Top“
Bæði Discovery og Defender-jepparnir frá Land Rover flokkast örugglega í hugum margra sem vel búnir jeppar, nánast „lúxusjeppar“ – en það er greinilega enn hægt að gera gott betra!
Land Rover Discovery „Metropolitan Edition“
Nýi Land Rover Discovery „Metropolitan Edition“ er verðlagður á heimamarkaði frá 73.250 pundum (um 12,9 milljónir króna) og hann kemur með nokkra sérstæða eiginleika í útliti og góðan búnað.
Bíllinn er byggður á „R-Dynamic HSE“-forskrift fyrirtækisins, en fær nýjar 22 tommu demantsskornar álfelgur, nýjar silfurlitar innfellur í stuðarana, skyggðar rúður og „panorama“-glerþak sem hægt er að opna.
Kaupendur bílanna fá einnig mikið af aukatækni, þar á meðal sprettiskjá í sjónlínu ökumanns með upplýsingum, hita í stýrishjól, þráðlausa snjallsímahleðslu, fjögurra svæða miðstöð/loftkælingu og kælibox í innanrýminu, en títan áherslur eru á mælaborðinu.
Land Rover hefur ekki vanrækt restina af Discovery framboðinu, þar sem „R-Dynamic-gerðin“ er nú staðalbúin með svörtu gljáandi þaki.
Discovery Commercial bíllinn, sem sameinar notkun bílsins í atvinnuskyni hefur líka fengið snögga uppfærslu með nýju R-Dynamic-útliti.
Bíllinn fær sömu sportlegu útlits- og hönnunarbreytingar og staðalgerð jeppans ásamt vali á álfelgum á bilinu 20 til 22 tommur. Að innan eru sportfótstig úr málmi, álklæðningar og skiptiflipar í stýri.
Defender með fleiri valkostum og nýrri tækni
2023 árgerðin af Defender sem væntaleg er árið 2022 kemur með stærri lista yfir valkosti og nýja tækni.
3,0 lítra túrbó-einingin framleiðir 247 hestöfl og 600 Nm tog.
Verðið á nýju vélinni og búnaðarstigið er frá 48.390 pundum (um 8,6 milljónir), þó að kaupendur geti valið um að eyða 55.830 pundum (liðlega 9,8 milljónum króna) og uppfæra í bílinn í SE-útfærslu sem er miðar frekar að því að fytja farþega.
(frétt á Auto Express)
Aðrar umfjallanir
Við sem búum á þessu landi megum eiga það að vera frekar sniðugt jeppafólk. Margslungið veðurfarið gefur okkur ekki bara byr undir báða vængi heldur blæs það stundum öllu hreinlega um koll. Þá er nú gott að eiga góðan jeppa. Toyota hefur haldið jeppasýningar um árabil og nú er komið að sýningunni 2022.
Það er mánuður síðan við birtum frábært myndband af ferð ökusnillingsins Vaughn Gittin Jr. til Færeyja. Þar geystist hann um eins og hvirfilbylur á þessum magnaða 1.400 hestafla rafbíl, driftaði heilan helling og jú, ók aðeins á steyptan vegg.
Það kann að vera að ljósmyndari, sem var að mynda í laumi, hafi náð bestu myndinni ennþá af komandi Land Rover Defender með því að beina myndavélarlinsunni á mælaborðið á einum Defender sem var í prófunarferli.
Alfa Romeo stefnir að samkeppni við BMW X1 með Tonale litlum crossover, nýjum þátttakanda í einum vinsælasta flokki Evrópu...