Fyrstu ökutímarnir, verklega bílprófið og fyrsta ökuferðin… Þetta getur verið skrautlegt og sem betur fer sjá margir spaugilegu hliðarnar á eigin klaufaskap þó það taki stundum nokkur ár að koma auga á þær!

Skrautlegir ökutímar

„Ég þurfti að nauðhemla í ökutímanum og kennarinn hafði ekkert minnst á að hundurinn hans væri aftur í. Ég áttaði mig á því þegar ég sá fljúgandu hund í baksýnisspeglinum,“ rifjaði annar upp.

„Ef það, að grípa óvart í hné ökukennarans í stað gírstangarinnar, er ekki vandræðalegt… þá veit ég ekki hvað!“

Æfingaaksturinn getur líka verið hressandi

„Þegar ég var 16 ára lærði ég á beinskiptan bíl. Pabbi var með mig í æfingaakstri. Eitt skiptið þegar ég  stoppaði á stöðunarskyldu í svakalegri brekku tókst mér ekki að kúpla rétt og bíllinn rann af stað afturábak. Og hann rann beint á lögreglubíl. Þó að löggan hafi verið virkilega skilningsrík þá leið mér alveg ömurlega.“

„Við mamma fórum einu sinni á autt bílastæði við bókasafnið og þar fékk ég að aka bíl í fyrsta skipti á ævinni. Ég steig gjöfina auðvitað í botn, eins og þeir gera alltaf í bíómyndunum; mér tókst að stökkva yfir eyju og minnstu munaði að ég klessti á ljósastaur. Mamma leyfði mér aldrei aftur að keyra.“

Þannig féllu þau á ökuprófinu

Á TikTok er hefur áhugaverð umræða sem spunnist hefur í kringum myndband frá notanda (@yourfavouritefoodiee) sem féll „aftur“ á bílprófinu fyrir nokkrum vikum. Hér eru nokkrar örsögur þaðan:

„Það að taka af stað í brekku í bakkgír er ekki gott. Ég gerði það. Í ökuprófinu.“

„Ég fór svo hratt yfir hraðahindrun að prófdómarinn skallaði þakið.“

„Ók næstum yfir gömul hjón sem voru að fara yfir gangbraut. Gamli maðurinn varð mjög reiður og barði án afláts í bílinn með stafnum sínum.“

„Ég reyndi að bakka í hringtorgi.“  

„Byrjaði á því að aka á röngum vegarhelmingi. Tvisvar.“

„Ók út á aðalgötuna þar sem ég lenti beint fyrir framan líkfylgd og þar drapst á bílnum.“

„Ég brunaði inn í hringtorg, þið vitið, þangað sem blómin og trén eru í miðjunni.“

„Féll á fyrsta prófinu því ég stoppaði fyrir aftan röð kyrrstæðra bíla. Þeim hafði verið lagt í röð en ég hélt að þetta væri hægagangur í umferðinni og sat bara pollróleg og beið.“

„Ók yfir prófdómarann þegar hann var að taka ökukennslumerkið framan af bílnum áður  en prófið hófst.“

„Þegar ökukennarinn sagði mér að beygja til vinstri, gerði ég það og ók beint á ruslatunnu á hjólum. Ruslið dreifðist út um allt.“

„Systir mín var spurð í ökuprófinu hvernig ætti að athuga loftþrýstinginn í dekkjunum. Hún sýndi prófdómaranum það; fór út og sparkaði í dekkin. Hún féll á prófinu.“

„Mér tókst ekki einu sinni að komast út af bílastæði ökuskólans. Prófdómarinn sagði mér að bakka í stæði og ég varð svo stressuð að ég dúndraði beint á vegg og þá leið yfir mig.“

Svo eru það blessaðir ökukennararnir

„Einu sinni var ég með nýjan nemanda. Þetta var alveg fínn náungi en það var samt eitthvað mikið að: Hann lyktaði alveg hræðilega. Svo skelfilegur var fnykurinn að ég kúgaðist nokkrum sinnum í ökutímanum og ég kastaði næstum upp. Svo viðbjóðslegur var daunninn að ég náði varla andanum. Þetta var eins og að reka nefið ofan í klóak. Eftir ökutímann fór ég heim og gat lífsins ómögulega losnað við bölvaða lyktina úr bílnum. Lyktin efti mig meira að segja inn og út um allt hús. Já, alveg þangað til ég áttaði mig á hvaðan hún kom.

Ég flýtti mér að senda honum tölvupóst þar sem ég baðst afsökunar á ógeðslegri fýlunni í bílnum. Hann trúði mér ekki og sagðist ekki ætla í fleiri ökutíma hjá mér. Hann var viss um að það væri alltaf svona ógeðsleg lykt af mér!“

[Birtist fyrst í nóvember 2021]

Í svipuðum dúr: 

Undarleg ökupróf

Stórfurðulegar umferðarreglur?

Ungfrú Bremsa og aðrir ökunemar

300 ökutímar að baki en höldum endilega áfram

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.