Suzuki hleypir af stokkunum nýjum hybrid stationbíl sem byggður er á Toyota Corolla
Swace fær annan framenda en Toyota Corolla, sem hann er byggður á.
Suzuki er að kynna nýjan bíl í sínu framboði, Suzuki Swace sem er þeirra útgáfa af sams konar bíl, Toyota Corolla. Þetta er annar bíllinn frá Suzuki sem byggir á samstarfi við Toyota, og er ætlaður á Evrópumarkað og fylgir Across tengitvinnbílnum, sem byggður er á Toyoyta RAV-4 sem kemur í haust. Suzuki mun hefja sölu á Swace tvinnbílnum í Evrópu á þessu ári, en von mun verða á bílnum hingað til lands á næsta ári.
Toyota og Suzuki mynduðu iðnaðarsamstarf árið 2019 þar sem Toyota tók 5 prósenta hlut í minni japönskum starfsbróður sínum.
Þessar tvær gerðir, Across og Swace, eru hluti af átaki Suzuki til að draga úr meðalútblæstri koltvísýrings í sínu framboði. Þrátt fyrir að vörumerkið hafi tekið upp væga blendingstækni hækkaði meðalgildi koltvísýrings um meira en hjá nokkru öðru vörumerki í Evrópu á síðasta ári, samkvæmt upplýsingum frá markaðsgreiningaraðilum JATO Dynamics.
Meðalútblástur Suzuki hækkaði um 6,3 prósent í 120,6 grömm á km mælt samkvæmt gömlu NEDC aðferðinni samkvæmt gögnum.
Koltvísýringslosun frá Swace „hybrid“ er frá 99g/km mælt með núverandi WLTP prófunarferli, segir Suzuki.
Núverandi gerð Suzuki, sem minnst losar, er Ignis smábíllinn, sem er með lægsta gildið 114g/km. Tengitvinnbíllinn nær 22g/km þegar tiltölulega stóru 18 kWh rafhlöðu sem gefur 75 km rafmagnsdrægni er bætt við.
Suzuki hefur einnig dregið úr sölu á hinum vinsæla Jimny jeppa sem er vinsæll en með mikla losun CO2. Fyrirtækið hefur kynnt bílinn á ný á sumum mörkuðum sem tveggja sæta sendibifreið (eins og við höfum fjallað um hér á vefnum), sem þýðir að sú gerð mun ekki teljast til CO2 markmiða vörumerkisins fyrir bíla.
Swace er nákvæmlega eins og stationbíllinn frá Corolla fyrir utan svolítið endurhannað grill sem setur merki merkisins á brún húddsins, frekar en í grillinu sjálfu eins og er að finna á Corolla.
Eins og stendur býður Suzuki ekki upp á stationbíl í sínu framboði. Suzuki mun miða bílinn að viðskiptavinum sem vilja blöndu af góðri eldsneytiseyðslu frá 1,8 lítra með tvinnrænu drifrásinni og rúmgóðu skottinu, sem mælist 596 lítrar að stærð.
(byggt á frétt á vef Automotive News Europe)
Aðrar umfjallanir
Diskabremsur er tegund af bremsum sem notar hemlaklafa til að klemma pör af hemlaklossum að disk...
Nei, það gerðu heldur ekki margir árið 1998 nema kannski einhverjir í Alsír. Þaðan sem ökukapparnir og kappakstursbræðurnir Ralf og Michael Schumacher koma nefnilega. Alla vega að sögn málgagns alsírsku ríkisstjórnarinnar.
Autocar fræðir okkur á því að Mercedes-Benz mun ekki smíða minni rafdrifna hlaðbaka, heldur leggja áherslu á sportjeppa...