Gamlir nýir bílar
Bílar sem standa óhreyfðir, óseldir og ónotaðir á hinum og þessum bílastæðum um heim allan (kannski ekki alveg núna þessi misserin vegna Covid) nema þúsundum en í gegnum árin hafa eftirársbílar safnast upp – og sumir seljast bara alls ekki.
Framleitt eftir pöntun
Ísland er náttúrulega bara örmarkaður og fleiri og fleiri bílakaupendur panta bíla sína úr vefverslun bílaumboðanna og laga að sínum þörfum. Þannig fer kannski bíllinn þinn ekki í framleiðslu fyrr en þú hefur pantað hann. Sniðug lausn en tímafrek. Sérpantaðan bíl getur tekið að meðaltali tvo til þrjá mánuði að afgreiða og þar með talið að framleiða.
Það væri sárt að sjá þennan rifinn niður í parta og settan í pressuna.
Bílasalar drullusokkar?
Í Bandaríkjunum eru bílasölumenn taldir þeir slóttugustu af öllum sem selja vöru eða þjónustu – kannski að undanskildum fasteignasölum. En hvað með kúnnana? Þeir halda að það sé hægt að semja um topp uppítökuverð og hámarksafslátt af nýja bílnum. Þeir eru til í að gera næstum „allt” til að fá betri díl. Þeir taka með sér aðstoðarmenn sem vita oft minna en þeir sjálfir hvernig kaupin á eyrinni fara fram.
Endurvinnsla nýlegra bíla
Að sjálfsögðu er erfiðara að endurvinna bíl en tómata. Þegar þúsundir bíla standa óseldar á einhverjum akri, gömlum herflugvöllum eða hafnarsvæðum er ekki með öllu einfalt að eyða þeim.
Það er hins vegar deginum ljósara að þegar ný árgerð kemur, þýðir ekki að hanga með gömlu gerðina við hliðina á þeirri nýju og minnka möguleikann á sölu hennar. Því verður gamla árgerðin að hverfa.
Af hverju gefa framleiðendur ekki bara bílana í stað þess að láta ákveðið hlutfall þeirra grotna niður sem endar svo í pressunni? Þá myndu bílakaupendur bara bíða eftir að nýja árgerðin kæmi og þeir fengju eins til tveggja ára bíl gefins – það væri nú aldeilis bissness.
Nokkur bílastæði í stærri kantinum
Hér má sjá nokkrar myndir sem ég afritaði af Google Maps í tilefni skrifanna. Þessar myndir voru gúgglaðar í dag en aldur þeirra getur verið frá eins til þriggja ára, jafnvel eldri segir Google. Hér má allavega sjá helling af bílum.
Frá Maryland í USA.
Shearness, England.
Hér má sjá bílabreiður í Upper Swindon við gamlan flugvöll. Röðin er um 1500 metrar.
Hafnarbakkinn í Valencia á Spáni.
Endurvinnsla BMW og Mini
Aðrar umfjallanir
Mercedes Benz SLS AMG Electric Drive er til sölu. Margir muna eflaust eftir þessum sérstaka bíl en Mercedes hleypti honum af stokkunum...
Það þarf mikið til að ökumenn í Formúlu 1 mæti ekki til keppni sem þeir ætla að taka þátt í. Það hefur gerst nokkrum sinnum í gegnum tíðina og myndband nokkurt fékk mig til að dusta rykið af sögunni af því þegar Juan Manuel Fangio var rænt.
Nú telur maður mínúturnar niður fram að keppninni í Formúlu 1 í Bahrain. Á meðan beðið er hlýtur að vera snjallræði hið mesta að skoða aðeins hvernig þetta magnaða myndefni kemst til skila og það í beinni!
Þetta er spurning sem undirritaðri þykir nokkuð erfið og virkilega stór! Það er þó ekki að sjá að þeim eðalnáungum sem henni svöruðu árið 1970 hafi þótt þetta mjög snúin spurning. Svörin eru skemmtileg og vel rökstudd!