Hvað ætli þessi litli (stækkanlegi) snattari myndi endast lengi í íslenska rokinu? Kannski einhverjar mínútur. Þetta er danskt farartæki svo það er eins gott að fara varlega í að gera grín en iEV Z er sex sinnum minni en hefðbundinn fólksbíll.
78 sentimetra breiður er hann og í myrkri getur hann breyst í diskótek fyrir einn. Ef maður hugsar það þannig út frá neonljósunum og setur í diskó-samhengi.
Samt er þetta ekki bíll. Á vefsíðu framleiðandans segja þeir að iEV Z sé hvorki reiðhjól né bíll heldur „snjallfarartæki“. Ojæja, þeir setja nú líka sultu á ísinn sinn blessaðir.
Þetta svarta til vinstri er ekki ruslastampur heldur iEV Z í feluleik.
En hvað um það! iEV Z er kynntur í myndbandinu og hann má panta nú þegar á síðu fyrtækisins iEVmotors.com. Snjallsnattarinn kostar frá 5.850 evrum eða 832.000 krónum. Hann kemst 100 kílómetra á hleðslunni og hámarkshraðinn er 45 km/klst.
Önnur spes farartæki:
Aðrar umfjallanir
Niðurstöður liggja fyrir og Kia Telluride er “heimsbíll ársins 2020” (758 stig). Hann hafði betur gegn Mazda-3 (745 stig) og Mazda CX-30 (738 stig)...
Væri ekki gaman ef sá gamli kæmist í stuð? Ef bílar fortíðarinnar myndu verða rafmagnaðir kostir í framtíðinni? Þetta er ruglingslegt en þannig eru hugmyndir oft fyrst þegar þær banka upp á.
Toyota fór fram úr Volkswagen Group og var söluhæsti bílaframleiðandi heims árið 2020 þar sem eftirspurnin sem orsakaðist af...
