Nýr lítill Skoda rafbíll árið 2025

Væntanlegur lítill bíll Skoda mun deila undirvagni með svipuðum rafbílum frá Volkswagen og Cupra

Nýr alrafmagnaður lítill bíll Skoda hefur verið staðfestur með því að Volkswagen sendi frá sér kynningarmyndir af eigin ID-gerð og útgáfu Cupra samhliða rafbíl frá Skoda.

Þó að við getum ekki séð mikið af hönnunarupplýsingunum út frá kynningarmyndinni, benda heildarhlutföllin til þess að þetta verði bíll svipaður að stærð og Fabia.

Hönnunin lítur út fyrir að vera miklu einfaldari en hjá hinum sportlega Cupra og kantaðri en rúnnað útlit ID-bílanna. Stóru hjólaskálarnar eru næstum ferkantaðar í lögun og það er einföld axlarlína sem liggur frá framljósinu að afturljósinu.

Í annarri færslu á samfélagsmiðlum staðfesti VW einnig að byrjað verði að smíða nýju Sagunto rafbíla rafhlöðuverksmiðjuna á Spáni árið 2023 - þar sem við getum búist við að rafhlöðurnar fyrir þessa nýju litlu rafbíla verði framleiddar.

Þetta er ekki eini rafknúni Skodann sem tékkneska fyrirtækið hefur verið að kynna undanfarnar vikur. Óljós mynd af alrafmögnuðum Skoda sportjeppa var sýnd í mars 2022 og þó að hún hafi ekki gefið mikið upp getum við gengið út frá því að nýr sportjepplingur sem er minni en Enyaq Skoda er á leiðinni.

(frétt á Auto Express)