Breski bifvélavirkinn Neil Trotter vann digran peningapott í pappdrætti árið 2014. Hann vissi upp á hár hvað hann ætlaði að gera við aurinn eða öllu heldur hvað hann myndi kaupa fyrst. Hann vantaði nefnilega bíl. En ekki hvað!
Iss, svona fólk sko!
Þegar ég las þessi ummæli hans hugsaði ég með mér að það væri nú auðvelt að segja þetta þegar búið var að afhenda vinninginn. Iss …
En nei, ég var kannski of fljót á mér. Trotter hafði nefnilega, þennan föstudag í mars árið 2014, sagt við föður sinn, þannig að vinnufélagar pabba gamla heyrðu: „Á sama tíma á morgun verð ég orðinn milljarðamæringur.“
Þetta voru auðvitað bara einhver karlalæti í honum en sannspár reyndist Trotter því það var nákvæmlega þannig. Sólarhring síðar, eða reyndar fáeinum klukkustundum eftir yfirlýsinguna, var hann orðinn milljarðamæringur og var vinningurinn á þeim tíma sá fjórði stærsti í sögu bresks happdrættis: 108 milljónir punda eða um 10 milljarðar króna.
Búinn af fá nóg af að gera við annarra manna bíla
„Á föstudagskvöldið kíkti ég á miðann til að skoða tölurnar og ótrúlegt nokk þá stemmdu þær, ein af annarri, við vinningstölurnar. Ég sagði við Nicky [kærustuna] að mér hefði tekist það! Ég hefði unnið stóra vinninginn! Svo varð ég bara krítarhvítur í framan og gat ekki verið kyrr. Gekk um gólf og vissi ekki neitt í minn haus,“ sagði „spámaðurinn“ og bifvélavirkinn Neil Trotter.
Þennan bíl átti hann og keppti á en hafði of lítinn tíma til að sinna kappakstrinum þar til allt breyttist.
Á þessum tíma var Neil kominn með nóg af vinnunni sinni og vildi helst af öllu einbeita sér að akstursíþróttum. Kappakstri.
„Þessi föstudagur reyndist síðasti vinnudagurinn minn á verkstæðinu og þetta var í síðasta skipti sem ég gerði við og málaði bíla fyrir ókunnugt fólk,“ sagði hann í viðtali sem birtist sama ár, þ.e. 2014. Ekki laust við að greina megi starfsleiða hjá blessuðum bifvélavirkjanum.
Stór ávísun enda margir tölustafir! Myndir/National Lottery
„Það væri frábært að eignast ofursportara“
Þó Trotter hafi einhvers staðar sagt að hann hafi vitað upp á hár hvernig hann ætlaði að verja vinningsfénu þá er nú eitt og annað sem hann sagði í fyrsta viðtalinu sem fær mann til að efast um það. Til dæmis þetta:
Hann var víst snöggur að skipta Ford Focus út fyrir Porsche og Jaguar og svo vék þriggja herbergja íbúðin fyrir miðaldaherragarði í Kent.
Það þurfti að gera eitt og annað við „húsið“ sem Neil Trotter keypti. Skjáskot/YouTube
Hvað með ofursportarana?
Til þess að komast að því hvað fleira Trotter gerði við peningana fann ég viðtal sem tekið var fimm árum eftir þennan merka föstudag.
Það er kannski ekkert undarlegt við að illa gangi að finna út hvernig ofursportbíla Trotter keypti, því frá því hann vann stóra vinninginn til ársins 2019 hélt hann sig fjarri sviðsljósinu. Hann mun kannski greina frá því síðar en hann hefur alla vega ekki sótt um gamla starfið sitt sem bifvélavirki á verkstæði í Coulsdon í suðurhluta Lundúna.
Fleiri greinar um seðla, fólk og bíla:
Aðrar umfjallanir
Ferdinand Piech, fyrrverandi stjórnarformaður og framkvæmdastjóri Volkswagen AG, sem umbreytti þýska bílaframleiðandanum frá því að vera framleiðandi fyrir heimamarkað í alþjóðlega bifreiðasamsteypu, er látinn
Eitt af elstu og merkilegustu bílasöfnum landsins er á Ystafelli í Köldukinn, skammt frá Húsavík, en þar kom Ingólfur Kristjánsson (1921–2003) upp myndarlegu safni um
Ford Mustang Mach-E rafbíllinn er með meira spennandi bílum sem átti að koma á markað á þessu ári – það gæti orðið bið...
Leyfið mér að kynna Jimmy. Hann býr í Teslunni sinni og það hefur hann gert síðan 25. febrúar á þessu ári. Jimmy ætlar að búa í bílnum þangað til 25. febrúar 2022. Hann opnar líf sitt upp á gátt en fáir hafa sýnt því áhuga.