Það má slengja því fram hve margir bílar verða til í heiminum á ári hverju, án þess að það sé sérlega áhugavert. Öllu raunverulegri verður myndin af heildinni þegar hugsað er um bílafjöldann sem verður til í hverjum mánuði, viku eða á degi hverjum.
Í Kína verða árlega til um 26 milljónir ökutækja (til einkanota). Það eru um 28 prósent bílaframleiðslunnar á heimsvísu.
Næst á eftir Kína koma Bandaríkin með tæpar 10 milljónir ökutækja, svo Japan með um 7, Indland með rúmlega 4,4 milljónir og Suður-Kórea með 3,5 milljónir ökutækja.
Mynd/Unsplash
Sjáum nú til! Á vefsíðunni Money Shake er eitt og annað að finna. Til dæmis kemur þar fram að á hverri mínútu verða til 19.9 bílar af gerðinni Volkswagen og 19.8 Toyotur. Þriðji framleiðandinn í röðinni er Hyundai með 13.7 bíla á mínútu.
Á meðan þú varst að lesa…
Það verða til 6.374 fólksbílar að jafnaði á hverri klukkukstund í heiminum. Þar af verða 2.300 til í Kína. Á klukkustund. Alla daga. Alltaf.
Hvernig líður tímanum? Ljósmynd/Unsplash
Segjum að þú, lesandi góður, hafir verið mínútu að lesa það sem hér hefur komið fram, þá urðu 106 bílar til á þeirri mínútu. Það er frekar sturluð staðreynd! Ekki satt?
Upplýsingar sem þessar má finna á vef LeasingOptions.co.uk:
Hér eru tölur yfir framleiðslu en einnig má á síðunni finna sölutölur o.fl. á sama formi. Skjáskot/LeasingOptions
Eitthvað sem skoða má í þessu samhengi:
Aðrar umfjallanir
Eitt þeirra tækja sem komið hefur til viðbótar öðrum öryggisbúnaði í bílum er myndavél sem fest er á framrúðu bílsins og skráir allt sem gerist í umferðinni...
Með misjöfnum hætti skemmta menn sér en hér er grátbrosleg örfrétt úr Tímanum í ársbyrjun 1961. Segir þar frá manni sem skemmti sér ásamt félaga að nafni Bakkus.
Að sjá þessar mögnuðu rallýkonur! Hér, í meðfylgjandi myndbandi, eru á ferðinni; já á mikilli ferð, þær Michèle Mouton og Fabrizia Pons. Hin franska Michèle Mouton er án efa magnaðasta kvenpersóna sem rallið getur státað af. Já, og sennilega akstursíþróttaheimurinn svona yfirleitt.