Þeir ljótu eru sem betur fer í minnihluta og vonandi víkjandi því þeir sem hér eru til skoðunar eru flestir nokkuð komnir til ára sinna.

En í þessum bíl er það eins og að kasta perlum fyrir svín. Æj, þetta er kannski ljótt að segja um ljótan bíl. Já, ljótt er það.

Eitt lítið, tvö lítil, þrjú lítil bílgrill... Það er eins og þeir hafi ekki getað ákveðið sig og þess vegna hlammað grilli ofan á grill í von um að grilla í manni augun svo enginn tæki eftir þessari vitleysu!

Eitthvað klikkaði þarna í framljósauppröðuninni. Þau ættu betur heima á fólksbíl og jú, Lundúnaleigubíll gæti borið þessi ljós. Viðurkenni þó að mér finnst hann ekki alvarlega ljótur heldur bara ljótur. Blessað greyið rataði óvart inn á listann minn og ég tími ekki að henda honum út.

Bílgerðaráttunarvandi er ekki orð. Meira svona „óorð“ en lýsir sumum ökutækjum kannski örlítið: Ökutækin sem eru, eins og SRR og Baja, hvorki pallbíll né fólksbíll. Hvorki traktor né þreskivél.

Fyrsti bíllinn með interneti átti að vera aldamótasnilldin mikla. Hot Rod í bland við pallbíl sjötta áratugarins var hugmyndabíll frá svissneska fyrirtækinu Rinspeed Design. Vond hugmynd en hlægileg.

Hugmyndabíll, hjúkk. Og af einhverjum ástæðum gekk illa að finna mynd í fókus og það er eiginlega bara eins gott. Þetta er bíll sem maður vill hafa úr fókus.

Svona sáu þeir framtíðina fyrir sér... Bölsýnismenn kannski þarna hjá General Motors?