Ekki gerir maður ráð fyrir að allir hafi áhuga á ljósmyndun en flestum þykir þó gaman að skoða gamlar myndir. Svo ekki sé nú talað um ef á þeim eru bílar! Hér eru myndir frá Bandaríkjunum. Myndirnar eru teknar á sjöunda og áttunda áratugnum og það við bílalúgur Fotomat!
Það þarf kannski enga sérfræðinga til að skýra af hverju lúguframköllunarstöðvarnar liðu undir lok; rétt eins og vídeóleigan og kassettutækið. En ég rakst á myndband um ris og fall Fotomat og þar mátti sjá fjölmörgum áhugaverðum bílum bregða fyrir. Bílalúgur hafa lengi verið vinsælar í Bandaríkjunum og þótti það býsna snjallt þegar lúguframköllunin Fotomat opnaði fyrsta útibúið árið 1965. Það var í Point Loma í Kaliforníu.
Lúguframköllunarstöðvar Fotomat mátti finna víðsvegar um Bandaríkin og voru „kofarnir“ með lúgunum 4000 talsins þegar mest var!
Myndirnar sem hér má sjá eru fengnar úr meðfylgjandi myndbandi (hér fyrir neðan). Myndbandið er alveg hrikalega langt en áhugasamir gætu viljað líta á það.
Fotomat átti einn keppinaut sem fjallað er um í myndbandinu og var það Fox Photo. Einhverjir hljóta að kannast við senuna úr kvikmyndinni Back to the Future þar sem VW rúgbrauð brunar í gegnum Fox Photo kofann.
Fleira lúgutengt:
Aðrar umfjallanir
Rúmlega tvítugur náungi, sem hefur verið nafngreindur í fjölmiðlum vestra, ók á tvær einkaþotur og eldsneytisbíl á Love Field flugvellinum í Dallas á laugardaginn.
Það er nú nógu erfitt að halda sönsum í mesta skammdeginu – en að halda sönsum í mesta skammdeginu án akstursíþrótta er eiginlega allt of erfitt. Af hverju ekki að gera eins og þeir í Wisconsin? Nýta veturinn í frábærar keppnir á borð við spyrnu/kvartmílu í snjó upp brekku?
Porsche kynnir nú sérútgáfuna Panamera Platinum Edition fyrir þá sem vilja einstakan bíl með miklum búnaði...
Núna gengur ein mesta ferðahelgi ársins í garð og margir leggja upp með eftirvagna í eftirdragi. Allir stærri vagnar eru með sitt eigið hemlakerfi sem grípur inn um leið og bíllinn...