Ford Fiesta fórnað fyrir rafbíla
Framleiðslu á Fiesta lýkur í júní 2023 þar sem Ford staðfestir að smíði bílsins verði hætt
Staðfest hefur verið að Ford Fiesta verði ekki lengur með í framboði Ford, en framleiðslu á þessum vinsæla hlaðbak á að ljúka í júní 2023.
Og fyrr í dag, þegar augu allra voru á því þegar nýi forsætisráðherrann Rishi Sunak var að fara að svara fyrirspurnum á breska þinginu, var þetta aðalfréttin á sjónvarpsrásum BBC News og Sky News að það stæði til að hætta framleiðslu á bílnum, enda er Fiesta vinsæll bíll á Bretlandi.
Martin Sander, forseti Ford Evrópu, sagði í opinberri yfirlýsingu: „Hjá Ford í Evrópu erum við að hraða viðleitni okkar til að fara algerlega í rafvæðingu þar sem fólksbílar okkar verða að fullu rafknúnir árið 2030 – og öll ökutæki í Ford vörulínunni okkar fyrir árið 2035. Þegar við verðum tilbúin til að skipta yfir í rafræna framtíð munum við hætta framleiðslu á S-Max og Galaxy í Valencia á Spáni í apríl 2023 og hætta framleiðslu Fiesta í Köln í Þýskalandi í lok júní 2023.
„Við munum kynna þrjá nýja og spennandi rafknúna fólksbíla og fjóra nýja rafknúna atvinnubíla í Evrópu fyrir árið 2024. Við ætlum að selja meira en 600.000 rafknúin ökutæki á svæðinu fyrir árið 2026, og framleiðsla rafknúinna fólksbifreiða í rafvæðingarmiðstöð Ford í Köln mun ná 1,2 milljón bíla framleiðslu á sex ára tímabili.
Ford Fiesta
Samstarf við Volkswagen Group
Ford er að ganga í gegnum mikla umskipti í átt að rafknúnu framboði og staðfesti í mars á þessu ári að stærri bróðir Fiesta, Puma jepplingurinn, verði fáanlegur sem rafbíll árið 2024. Þetta er einn af þremur nýjum rafknúnum fólksbílum sem minnst var á í yfirlýsingu Sander, ásamt tveimur nýjum jeppum – einni hagnýtari gerð og sportlegri crossover - báðir byggðir á MEB grunni Volkswagen Group sem hluti af tengingu fyrirtækjanna tveggja.
Það er litið svo á að Puma rafbíllinn muni deila íhlutum - þar á meðal þáttum í grunni - með Transit Courier og Tourneo Courier rafbílum (báðir hluti af sókn Ford í Evrópu á sviði rafknúinna atvinnubíla) til að halda verðlagningu viðráðanlegri. Rafmagns Puma-bíllinn verður smíðaður í sömu verksmiðju og atvinnubílarnir í Craiova í Rúmeníu.
Hins vegar, þó að Puma með brunahreyfli deili „Global B Small Car“ grunni með Fiesta, þá eru engar áætlanir um rafdrifnaútgáfu af Fiesta á þessum nýja og hagkvæmari grunni.
Talið er að hluti af ástæðunni fyrir því að Fiesta var tekinn í burtu í fyrsta lagi sé vegna hækkandi kostnaðar við smábíla og lækkandi sölu í þessum geira samanborið við vinsælli smájeppa og crossover gerðir.
Með því að skipta Ford yfir í rafmagnsbíla mun verksmiðjan í Köln - þar sem Fiesta er nú smíðaður - breytast í rafbílaframleiðslumiðstöð sem mun framleiða Ford-merkta útgáfuna af MEB bílunum sem nefndir eru hér að ofan. Fyrsta Ford gerðin sem notar þessa tækni mun fara í framleiðslu á næsta ári.
Fyrsta árgerðin - Ford Fiesta 1976
Fimm milljónir á 46 ára líftíma
Fiesta er mest seldi bíll Bretlands frá upphafi en hann hefur selst í næstum fimm milljónum eintaka á 46 ára líftíma sínum hingað til. Bíllinn var jafnan í efsta sæti árlegra skráningarlista Félags bílaframleiðenda og bílasala þar til Vauxhall/Opel Corsa tók nýlega fram úr honum.
Fyrr á þessu ári stöðvaði Ford pantanir fyrir uppfærða Fiesta (ásamt nýlega andlitslyftum Focus og Galaxy og S-Max MPV) með tilvísun til vandamála í birgðakeðjunni.
Þrátt fyrir að bæði Fiesta og Focus séu aftur komin í sölu, með meiri hagnaði á vinsælari jeppagerðum eins og Puma og Kuga (síðarnefndi í sjöunda sæti á listanum hingað til) er líklegt að Ford hafi sett framleiðsla á þessum bílum í forgang til að auka arðsemi, og í ljósi þeirrar ákvörðunar að hætta að framleiða Fiesta-bílinn niður og halda áfram með Puma-sölu sem grunngerð í vörulínu fyrirtækisins, ásamt EcoSport-jeppanum.
(fréttir á vef Auto Express, Ford og fleiri)
Vídeó frá Ford um Fiesta
Aðrar gerðir sem kveðja:
Aðrar umfjallanir
Hann lítur út eins og Volkswagen enda er þetta Volkswagen. Þó er það engin trygging fyrir því að það sem frá þeim framleiðanda kemur líkist Volkswagen. Ekki minna pylsurnar sem VW framleiðir neitt á það sem maður þekkir sem Volkswagen.
Hjólbarðar eru eitt veigamesta öryggistæki bíla, því öryggi okkar í umferðinni byggist að miklum hluta á því hvernig hjólbörðum bíllinn...
Undirskriftasöfnun stendur nú yfir í Bandaríkjunum en markmiðið er að afhenda Bandaríkjaforseta 15.000 undirskriftir þar sem hann er beðinn um að viðurkenna að Tesla leiði rafbílaframleiðsluna í Bandaríkjunum.
Það tekur lengri tíma að losna við áfengisáhrif en margir halda - því er betra að láta bílinn eiga sig ef Bakkus kemst í spilið...