Scout frá Volkswagen
Scout vörumerki Volkswagen sýnir mynd af framenda á fyrsta alrafmagnaða jeppanum frá VW
Myndin sýnir hugmyndajeppa frá Scout sem áætlað er að verði í framleiðslu árið 2026
Við höfum áður fjallað um þá staðreynd að gamla góða vörumerkið Scout er núna í eigu Volkswagen, sem hefur á prjónunum að koma með Scout aftur inn á bandaríska bílamarkaðinn.
Scout er nýtt bandarískt vörumerki frá Volkswagen og mun einbeita sér fyrst og fremst að rafknúnum torfærubílum og pallbílum.
Við höfum séð skissur af væntanlegum gerðum en nú hefur fyrirtækið gefið út opinbera kynningu á fyrsta hugmyndabílnum sínum.
Myndin sýnir framendann á alrafmagns jeppanum og, rétt eins og fyrri hönnunarskissuna, getum við séð kassalaga útlínur með ferhyrndri vélarhlíf, stórum torfærudekkjum og mikilli veghæð
Kynningin er sýnd á nýrri vefsíðu Scout þar sem, sérstaklega, nafnið „Volkswagen“ er algjörlega fjarverandi.
Þessar myndir hafa birst áður af ætluðu útliti nýju bílanna undir merki Scout
Hvað er Scout?
Scout nafnið var á röð torfærubíla sem smíðaðir voru af bandaríska fyrirtækinu International Harvester, sem nú er hætt, til ársins 1980. Nýju rafknúnu módelin sem bera merkið eiga að koma á markað í Bandaríkjunum í upphafi, þó að framboð á öðrum mörkuðum sé ekki ómögulegt. Volkswagen fékk nafnarétt á Scout vörumerkinu á síðasta ári.
Hannaðir fyrir markað í Bandaríkjunum
Scout línan verður eingöngu hönnuð fyrir bandaríska markaðinn, þar sem pallbíllinn gæti hugsanlega byrjað á verði sem er um 40.000 Bandaríkjadollara, sem er lægra en hjá keppinautum eins og Ford F-150 Lightning og Chevrolet Silverado EV.
Frumgerðir kynntar á næsta ári – á markað 2026
Volkswagen segir að frumgerðir verði kynntar á næsta ári, en fyrstu framleiðslutilbúnu Scout farartækin munu koma árið 2026. Það verður líka 100 milljón dollara fjárfesting til að koma nýja vörumerkinu á framfæri. Áformin eru hluti af víðtækara markmiði Volkswagen að tvöfalda markaðshlutdeild rafbíla í Bandaríkjunum og verða söluhæsti rafbílaframleiðandi heims fyrir árið 2025.
Aðrar umfjallanir
Það hlaut að koma að því: Að framtíð og fortíð hittust á miðri leið! Það gerðist í dag á Samgönguminjasafninu Ystafelli þegar DMC DeLorean kom á safnið ásamt fríðu föruneyti.
Myndum af nýjum Volkswagen Tiguan X hefur verið lekið á samfélagsmiðlum áður en bíllinn verður kynntur í Kína...
Byrjum á hrollvekjandi fullyrðingu sem því miður er ekki fullyrðing út í bláinn heldur bláköld staðreynd: Rúm 35% fólksbíla í Bretlandi komast ekki í gegnum bifreiðaskoðun í fyrstu atrennu. Þetta eru um 14 milljónir skráðra bíla af 40 milljónum.
Vefsíðan INSIDEEVs segir frá því að Ford mun smíða eigin rafknúið ökutæki á MEB-grunni frá Volkswagen, þeim grunni sem notaður er við smíði rafbíla frá VW...