Uppfærsla á Volkswagen ID.3 á markað árið 2023
Hinn rafknúni ID.3 mun fá nýja innri tækni og endurhönnun á útliti
Fyrsta gerðin í vöruúrvali Volkswagen af rafknúnum ID-bílum, ID.3, kom á markað árið 2019.
Hið ytra sýnir nú þegar nýja hönnun á framstuðara með aeira áberandi hliðarloftinntökum ásamt breyttri framljósahönnun og breyttri vélarhlíf.
Heildarhönnun ID.3 mun ekki breytast mikið, en við gætum séð nýjar álfelgur og það er nýr afturstuðari fyrir neðan sett af lítillega breyttum afturljósum.
Volkswagen segir að nýi ID.3 sé „útbúinn með nýjustu hugbúnaðarkynslóðinni, sem bætir afköst kerfisins og getur tekið á móti uppfærslum í loftinu“.
Ekki er ljóst hvort nýi bíllinn muni bjóða upp á betri drægni og afköst, þó að endurskoðuð ytri hönnun ætti að hafa áhrif á skilvirkni á einhvern hátt.
Innréttingin á ID.3 verður endurunnin fyrir árið 2023. „Nýi ID.3 sýnir skuldbindingu okkar til gæða, hönnunar og sjálfbærni."
10 tommu miðlægum upplýsinga- og afþreyingarsnertiskjár núverandi bíls verður skipt út fyrir 12 tommu skjá með nýju stjórnkerfi.
VW segir að nýjasta upplýsinga- og afþreyingartæknin sé þægilegri og einfaldari fyrir notendur.
Eiginleikar eins og Travel Assist og Park Assist Plus verða aðgengilegir sem aukahlutir og af kynningarmyndum að dæma má búast við nýjum skjá sem varpar upplýsingum á framrúðuna í sjónlínu ökumanns.
Miðjustokkurinn verður einnig endurhannaður og með tveimur bollahöldurum.
Volkswagen framleiðir ID.3 í verksmiðjum sínum í Zwickau og Dresden í Þýskalandi, en með uppfærðri gerð mun VW stækka verksmiðju sína í Wolfsburg til að mæta eftirspurn.
(Auto Express og motor1 – myndir frá Volkswagen)
Aðrar umfjallanir
Það er nú nógu erfitt að halda sönsum í mesta skammdeginu – en að halda sönsum í mesta skammdeginu án akstursíþrótta er eiginlega allt of erfitt. Af hverju ekki að gera eins og þeir í Wisconsin? Nýta veturinn í frábærar keppnir á borð við spyrnu/kvartmílu í snjó upp brekku?
Mazda hefur opinberað nýja, takmarkaða sérútgáfu af MX-5 blæjubílnum, sem er sagður kosta sem svarar liðlega...
Hugmyndabíll sem býður upp á mikla möguleika – en er þetta virkilega Mini?
Það vita flestir hver Jürgen Klopp er. Meira að segja mestu antisportistar vita að þessi maður tengist knattspyrnu. Hann hefur síðustu tíu árin ekið um á Opel og hafa einhverjir furðað sig á manninum á stationbílnum.