Renault Clio, Captur og Megane blendingar ná til sýningarsala þegar hvati frá hinu opinbera dettur inn
Frá vinstri, Renault Clio blendingur, Captur tengitvinnbíll og Megane station líka tengitvinnbíll.
PARIS - Fyrstu blendingamódel (hybrid) Renault fara í sölu í þessum mánuði eftir skammvinna seinkun vegna lokunar verksmiðja sem tengist kórónavírusnum. Bílarnir koma fram á sama tíma og þegar Frakkland byrjar að kynna góðar niðurgreiðslur með rafbílum. Þýskaland og Spánn hyggjast einnig setja af stað áætlanir sem aðstoða við kaup á sparneytnari ökutækjum.
Bílarnir - Clio blendingur, Captur lítill sportjeppi með tengitvinnbúnaði og Megane stationbíll með tengitvinnbúnaði - nota sértæka e-Tech kerfið frá Renault sem er með tvo rafmótora tengda við gírskiptinguna.
Réttir bílar og á réttum tíma segir Renault
„Þetta eru rétt farartæki á réttum tíma og á réttu verði“, sagði Gregoire Ginet, forstöðumaður markaðsviðskipta hjá Renault Group, á miðvikudag í reynsluakstri fjölmiðla nálægt París. Hann sagði að stöðvun verksmiðja af völdum kórónaveirunnar í Tyrklandi, þar sem blendingurinn Clio er smíðaður, og á Spáni, þar sem Captur tangitvinnbíllinn er smíðaður, hefði seinkað áætlunum um kynningu á bílunum í byrjun júní um tvær eða þrjár vikur. Seinkunin mun ekki hafa áhrif á sölu, bætti hann við.
CO2 útblástur Clio er 96 grömm á kílómetra samkvæmt samhæfðu prófunarferli léttra ökutækja (WLTP) á heimsvísu.
Captur tengitvinnsportjeppinn byrjar á 33.700 evrum í Frakklandi og Initiale Paris útgáfan kostar 37.200 evrur. Captur gerðir með brunahreyfla byrja á 18.600 evrum og hækka í 32.000 evrur fyrir topp dísil með sjálfskiptingu.
Samt sem áður er tengitvinnbíll Captur gjaldgengur fyrir 5.000 evru förgunarbónus, auk 2.000 evra hvata fyrir tengitvinnbíla. Eini keppandi hans er Kia Niro hybrid, sem byrjar á 35.990 evrum í Frakklandi.
CO2 losun Captur er 32g / km samkvæmt WLTP.
Megane kemur í september
Megane stationbíllinn mun koma á markað í september, og síðan með hlaðbaksgerð á fyrsta ársfjórðungi 2021. Rafdrifinn Megane byrjar á 38.500 evrum, samanborið við 23.500 fyrir grunngerð með hefðbundinni vél. Dýrasta gerð Megane sem ekki er hybrid kostar 35.000 evrur.
Meðal keppinauta í flokknum er Volkswagen Golf GTE tengitvinnbíll byrjar á 42.450 evrum í Frakklandi, en tengitvinnútgáfan af Hyundai Ioniq byrjar á 36.800 evrum. Toyota Prius með tengitvinnbæunaði byrjar á 36.000 evrum.
Megane tengitvinnbíllinn, sem notar sömu drifrás og Captur, er einnig gjaldgengur fyrir allt að 7.000 evrur með niðurgreiðslum og bónus vegna rafvæðingar. CO2 útblástur bílsins samkvæmt WLTP er 28g / km, aðeins betri en Captur.
Renault hefur boðið upp á 48 volta mildan blending (hybrid) með dísilútgáfum af Scenic og Grand Scenic í nokkur ár, en nýju gerðirnar eru fyrstu fullu hybrid bílar vörumerkisins.
(Automotive News Europe)
Aðrar umfjallanir
Hér eru dæmi um nýjustu vitleysuna sem hinir ýmsu bifvélavirkjar fengu inn á gólf til sín síðustu vikuna eða þar um bíl. Hér má m.a. sjá hve miklum vel þjöppuðum snjó má koma fyrir undir vélarhlífinni. Það er gert með því að hafa einfaldlega opið upp á gátt í snjóbyl.
Er eitthvað til sem kallast öfugt aprílgabb? Það má í raun segja að „öfugt aprílgabb“ hafi birst á forsíðu nýsjálensks dagblaðs fyrir sjö árum.
BMW framleiðir „Neue Klasse“ rafbíla sem nota rafhlöður og rafhlöðupakka í nýrri verksmiðju í Mexíkó...
Þegar við kaupum nýjan bíl fylgir honum nær undantekningarlítið notendahandbók, því miður hér á landi venjulega aðeins á ensku eða öðru tungumáli...