Aka eins og það sé árið 1885

Hvernig það er að halda um stýrisstöngina á fyrsta bílnum, Benz Patent-Motorwagen

En það var engin AMG útgáfa frá Benz til þá

Fyrstu bílarnir voru allmikið frábrugðnir því sem við þekkjum í dag, en Ronan Glon birti á Autoblog skemmtilega frásögn af því þegar hann fékk tækifæri til að fara i „reynsluakstur“ á því sem margir kalla „fyrsta bílinn“ - Benz Patent-Motorwagen. Við skulum skoða það nánar:

Carl Benz smíðaði Patent-Motorwagen árið 1885 og fékk einkaleyfi fyrir uppfinningu sína, sem hann lýsti sem „ökutæki með bensínvél í notkun“, þann 29. janúar árið eftir.

Snjallt en einfalt

Eitt atriði sem vert er að útskýra er að þetta er ekki fyrsti bíllinn. Þetta er ein af eftirlíkingunum sem Mercedes-Benz smíðaði árið 2000, svo það er til nákvæm eftirgerð af upprunalega bílnum. Hann fer í gang, fer áfram og bremsar alveg eins og hver hannar bíll, og mér er sagt að stærðin og vélræna uppsetningin séu eins.

Við fyrstu sýn var ekki mikið að gerast í hönnunardeildinni (að því leyti að það var bókstaflega engin til þá). Frá öllum sjónarhornum líkist Patent-Motorwagen gömlum bíl, sem fullkomlega felur í sér hugmyndafræðina „form fylgir virkni“. Og samt er það heillandi hlutur að horfa á.

Það er ekki mikið um innréttingu heldur. Áður en þú sest í (á?) Patent-Motorwagen, hvað þá að taka hann í ökuferð, er áhugavert að taka eftir því hversu lítið hann deilir með almennt viðurkenndri skilgreiningu á nútímabíl.

Ef þú vilt vita hversu hratt þú ert að fara skaltu giska á. Slakaðu á: Það er ekki eins og það hafi verið hraðatakmarkanir í þá daga.

Jafnvel þótt hraðatakmörkunum væri framfylgt, er hraðakstur minnstu áhyggjur þínar í Patent-Motorwagen. Aflið kemur frá eins strokks, 1,0 lítra vél sem skilar um 0,75 hestöflum við um 400 snúninga á mínútu og gefur hámarkshraða sem er um það bil 16 km/klst.

Hann gengur fyrir eldsneyti sem byggir á jarðolíu í stað bensíns og er með opnu kælikerfi án vatnsdælu, opnu sveifarhúsi og stóru svinghjóli.

Hvar á að byrja?

Mundu að 1,0 lítra vélin er með opið sveifarhús, sem þýðir að sveifarásinn hangir út úr neðri endanum og það verður að smyrja hann handvirkt.

Með þetta í huga er fyrsta skrefið að tryggja að nokkrir punktar (þar á meðal sveifarás og tengistangalegur) séu rétt smurðir.

Þú ert ekki búinn enn: Lokaskrefið er að stilla loft-eldsneytisblönduna þannig að stóri stimpillinn fari í fallegan, jafnan lausagang.

Það er frekar sérstakt að sitja í sæti sem er eins og flott húsgögn á veröndinni eða pallinum, með Patent-Motorwagen sem hristist eins og þvottavél sem er í ójafnvægi undir þér, þar til þú áttar þig á því að barn gæti keyrt þetta frumstæða þriggja hjóla faratæki. Fyrir utan stýrisstöngina, sem er furðu létt þegar bíllinn er kominn á hreyfingu, er eina stjórnin handfang sem stendur út úr vinstri hliðinni.

Hemlun er í besta falli svona á að giska, það þarf nokkrar tilraunir til að læra viðbrögð handfangsins, en beygja er önnur saga.

Framtíð fortíðarinnar

Eins frumstæður og hann lítur út, hljómar og líður, þá var Patent-Motorwagen frá Carl Benz framtíð bílaframleiðslu á níunda áratug nítjánudu aldar (á árunum eftir 1880) og ekki er hægt að ofmeta mikilvægi hans.

Gerði fólkið sér grein fyrir því að sjá Berthu Benz ferðast um í Patent-Motorwagen á sögulegu mikilvægi þess sem þeir urðu vitni að? Ég efa það. Það er eitthvað sem þarf að hafa í huga þegar við förum dýpra inn í næstu áratugi þessarar aldar.

(Grein eftir Ronan Glon á vef Autoblog)

Þegar Bertha Benz fór í fyrstu ökuferðina

Reynsluakstur 137 árum seinna