Bílasýningin í Genf í mars:
Dacia mun frumsýna ódýran rafbíl og Renault rafdrifna útgáfu af Twingo
Renault City K-ZE, sem rafbíllinn frá Dacia gæti byggst á, er seldur í Kína fyrir jafnvirði 8.000 evra, eða 1,1 milljón króna.
Það styttist í bílasýninguna í Genf, sem opnar dyr sínar fyrir gestum í byrjun mars.
Kemur á markað 2021-22
„Þéttbýlisbíllinn“ frá Dacia verður settur á markað 2021-22, að sögn Renault.
Forráðamenn Dacia og Renault hafa ekki gefið upp frekari upplýsingar, komið hefur fram í öðrum fréttum að þetta muni vera útgáfa af City K-ZE rafbílnum sem er framleiddur og seldur í Kína af Renault og kínverskum sameiginlegum fyrirtækjum. City K-ZE er seldur í Kína fyrir um 8.000 evrur. Eða um 1,1 milljón króna.
K-ZE, sem byggir á orku frá rafgeymum, er útgáfa af Renault Kwid smábílnum sem er seldur á Indlandi og Brasilíu
Triber, sem er stærri útgáfa sem tekur sjö farþega, kom fram á sjónarsviðið með Kwid á þessu ári á Indlandi. Ekki er ljóst hvort Kwid eða Triber myndu uppfylla evrópska öryggisstaðla eða aðra samhæfingarstaðla, en Renault hefur ekki útilokað að koma K-ZE til Evrópu.
Fleiri rafbílar í pípunum
Búist er við að Volkswagen muni bæta ID1 smábíl við framboð sitt á rafbílum og næstu smábílar PSA Group frá Peugeot og Citroen munu líklega vera með rafmagnsútgáfur.
Renault frumsýnir rafmagnsútgáfu af Twingo
Renault sagði í frétt á miðvikudaginn að þeir muni frumsýna rafhlöðudrifna útgáfu af Twingo smábílnum á sýningunni í Genf, ásamt Dacia EV, rafmagns hugmyndabíl frá Renault sem heitir Morphoz og sýnir hugmynd þeirra um framtíðar hreyfanleika og tengitvinnútgáfu af Megane stationbílnum.
Rafhlöðudrifin útgáfa af Renault Twingo, Twingo ZE, verður frumsýnd í Gnef í mars.
Aðrar umfjallanir
Einn þekktasti bílamaður heims í dag er án efa bandaríski skemmtikrafturinn Jay Leno, en hann hefur áratugum saman verið haldinn ólæknandi bíladellu á háu stigi, svo háu að í safni...
Amma Önd eða Andrea, eins og hún heitir „fullu nafni“ á íslensku, hefur ekið um á rafbíl síðan Walt Disney kynnti hana til leiks árið 1943. Bíllinn sem um ræðir er gerðinni Detroit Electric og var bíllinn sá vinsælasti rafbíllinn vestra þegar hann kom á markað fyrir um 120 árum.
Bíllinn á myndunum með þessari frétt sást fyrir utan reynsluaksturssvæði Volvo í Svíþjóð og þeir sem sjá um vefsvæðið INSIDEEVs...
En það sleppur ef þú ýtir 256 sinnum í röð á takkann á fjarstýringu bílsins. Annars fer allt í vitleysu! Sturlaðar staðreyndir á borð við þessa eru innihaldsefni þessarar greinar.