Ford með nýtt útlit og fleiri eiginleika í Ranger
Nýi pallbíllinn verður kynntur 24. nóvember
Ford var að senda frá sér kynningarmynd af næsta Ford Ranger og segir að pallbíllinn verði ýmsum góðum kostum gæddur sem auka hagkvæmni hans, getu og fjölhæfni
Pallbíllinn mun einnig hafa hörkulegt nýtt útlit, sagði bílaframleiðandinn.
Ford birti kynningarmynd af Ranger sem sýnir nútímalegt útlit með LED dagljósum sem ramma inn framljósin. Undir bílnum er gert ráð fyrir að halda hefðbundnum stigaramma undirvagnsins.
Ford gaf ekki frekari upplýsingar um pallbílinn fyrir afhjúpun hans á netinu, sem verður miðvikudaginn 24. nóvember næstkomandi.
Pallbíllinn verður seldur í 180 löndum, þar á meðal á mörkuðum Ford í Evrópu. Við reiknum bara með að Ísland verði þar á meðal.
Ford hefur ekki gefið upp hvort nýjasta útgáfan verði seld í Bandaríkjunum þar sem núverandi Ranger er seldur ásamt miklu hinum vinsæla F-150 pallbíl í fullri stærð, en búist er við að fyrirtækið bæti nýju gerðinni við síðar.
Hannaður af Ford í Ástralíu
Ranger var þróaður af hönnunarmiðstöð Ford í Ástralíu.
Ford drottnar um þessar mundir yfir tiltölulega litlum evrópskum pallbílamarkaði með Ranger, eftir að keppinautar eins og Mitsubishi, Nissan og Renault hættu eða minnkuðu framboð.
Ford seldi 12.000 Ranger-bíla í Evrópu á fyrsta ársfjórðungi samanborið við 8.890 við næstsöluhæsta pallbílinn, Toyota Hilux, samkvæmt upplýsingum frá markaðsrannsóknum JATO Dynamics.
Undanfarna mánuði hefur Ford verið að leggja lokahönd á þróun Ranger. Ford segir að prófunarfyrirkomulagið hafi falið í sér frumgerðir sem samanlagt var ekið 1,25 milljón kílómetra. Þar af fór helmingur akstursins fram með hlass á pallinum sem nam hámarksgetu.
Evrópubíllinn smíðaður í Suður-Afríku
Ford mun smíða Ranger fyrir Evrópu samhliða VW Amarok í nýstækkaðri Silverton verksmiðju sinni í Suður-Afríku. Fyrirtækið fjárfestir 686 milljónir Bandaríkjadala í verksmiðjuna til að auka árlega afkastagetu í 200.000 einingar úr 168.000, sagði Ford fyrr á þessu ári.
VW hefur sagt að Amarok verði „klárlega frábrugðinn Ranger hvað útlit varðar“.
Ranger verður fyrsta Ford-þróaða gerðin sem mun einnig mynda grunninn að VW útgáfu undir bandalagi bílaframleiðenda, sem kynnt var árið 2019.
Fyrsta VW-þróaða gerðin sem Ford setur á markað verður Tourneo Connect sem var kynntur nýlega; lítill fólksbíll byggður á VW Caddy.
Samvinnan milli Ford og VW felur einnig í sér áætlanir um smíði nýs VW Transporter sendibíls samhliða næsta Transit Custom sendibílnum, en framleiðsla hefst árið 2023 í Tyrklandi.
(fréttir á Automotive News Europe og Auto Express)
Aðrar umfjallanir
Myndir af annarri gerðinni í mikilvægri uppbyggingu VW hafa komið fram úr skjölum sem lögð voru fyrir kínversk stjórnvöld...
Skoda mun hætta að vera með minni rafvæddar gerðir í fyrirsjáanlegri framtíð, eftir að einn af yfirmönnum fyrirtækisins staðfesti að Citigo-e iV myndi hætta og fullyrti að ekki séu fyrirhugaðar núverandi áætlanir um viðbótarútgáfur...
Hver kannast ekki við að hafa sagt að eitthvað hafi komið “beint úr kassanum” eða sé „eins og nýtt úr kassanum” þegar um nýjan hlut er að...
Við hér á Bílabloggi fáum oft fyrirspurnir um ýmislegt varðandi bíla eða hvernig skrifað er um bíla, til dæmis hegðan þeirra í akstri.