Í ágúst voru 952 fólks- og sendibílar nýskráðir, tæplega 61% fleiri en í sama mánuði á síðasta ári þegar nýskráðir voru 554 bílar. Af þeim 952 bílum sem landsmenn festu kaup á í ágúst voru 212 af merkjum sem BL hefur umboð fyrir og nam aukningin 81,2 prósentum milli ára, en nýskráningar fólks- og sendibíla frá BL voru 117 í ágúst í fyrra.
Hyundai söluhæstur hjá BL
Af merkjum BL var Hyundai með langflestar nýskráningar eða alls 80. Hyundai var jafnframt einn af söluhæstu bílunum á einstaklingsmarkaði, þar sem Tucson og rafbíllinn Kona báru hæst, auk þess sem Hyundaimerkið var fyrirferðarmest hjá bílaleigunum í mánuðinum.
Nissan var næstsöluhæstur hjá BL með 35 nýskráningar og Land Rover í þriðja sæti með 25.
Af þeim 212 merkjum frá BL sem nýskráð voru í ágúst voru 111 nýorkubílar, 44 hreinir rafbílar, aðallega Nissan og Hyundai, og 67 tengiltvinnbílar, þar sem flestir voru frá BMW, Hyundai og Land Rover. Heildarmarkaðshlutdeild BL í ágúst var 22,3% og 22% það sem af er ári.
Mikill viðsnúningur hjá bílaleigunum
Mikill og jákvæður viðsnúningur hefur orðið á nýskráningum fólks- og sendibíla til bílaleiganna, eða allt frá því í apríl, og hefur sú þróun haldist síðan.
Markaðirnir þrír
Heildarfjöldi nýskráðra fólks- og sendibíla fyrstu átta mánuði ársins var 9.457 samanborið við 6.918 á sama tímabili í fyrra og nam aukningin 36,7%. Af heildarfjölda þessa árs hafa 2.069 verið bílar sem BL hefur umboð fyrir. Af þeim keyptu einstaklingar 779, fyrirtæki og einyrkjar 424 og bílaleigurnar 866. Markaðshlutdeild BL það sem af er árinu er 21,9%.
Aðrar umfjallanir
Auðvitað er ekki fallegt að hlæja að óförum annarra. Verst er að stundum eru mistökin helst til spaugileg eins og í tilviki þessa bílstjóra í Flórída sem átti í bölvuðu basli með að snúa stóru ökutækinu við. Enda gafst hann upp.
Í gærkvöldi deildum við myndbandi af bíl sem tókst á loft þegar skýstrókur fór yfir borgina Fort Worth íTexas. Ekki nóg með að bíllinn hafi tekist á loft heldur var hann á ferð og kornungur ökumaðurinn fór óvænt á flug. Ökumaðurinn hefur nú fengið góðar fréttir.
Þrátt fyrir andúð undirritaðrar á því uppátæki að fá fólk til að „hlaupa fyrsta apríl“ má þó hafa gaman af að rifja upp gamalt sprell eins
Hætturnar leynast víða og hér er hættan í formi tónlistar. Í frétt sem birtist fyrir 42 árum í Vikunni kemur nefnilega fram að vísindamenn hafi komist að því að lífhættulegt geti reynst að „kveikja á stereo-segulbandinu“ í bílnum.