Aston Martin afhjúpar Corgi módel í fullri stærð af DB5 bíl James Bond
Flestir sem áhuga hafa á bílum þekkja hin vinsælu bílamódel frá Corgi, sem hafa glatt marga áratugum saman, en þessir lítlu bílar úr málmsteypu hafa verið þekktir fyrir að vera mjög nákvæm eftirmynd bílanna sem þeir sýna, og oft búnir mörgum smáatriðum sem virka.
Aston Martin DB5 Corgi leikfangabíllinn kominn í fulla stærð.
Kassinn, sem er 5,66 m langur, 2,7 m á hæð og 2,7 m á dýpt, hýsir einn af DB5 Goldfinger „framhaldsbílum“ Aston Martin, sem að sjálfsögðu er málaður í Silver Birch-lit eins og Bond-bílarnir.
Goldfinger „framhaldið“ er hluti af röð 25 DB5, sem smíðaðir eru af Aston Martin Works, minjasviði fyrirtækisins.
Hvert eintak er með „græjur“ sem virka eins og sást í Goldfinger, þar á meðal snúningsnúmeraplötur, skothelda hlíf að aftan, framlengingar að framan og vélbyssur sem hægt er að láta skjótast út í stað stefnuljósanna.
.303 Browning vélbyssurnar skjóta raunverulegum byssukúlum. Þó er þar ekkert sæti sem getur skotið þér upp í loft - þrátt fyrir að hægt sé að fjarlægja þakplötuna.
Goldfinger „framhaldsbílarnir“ eru heldur ekki löglegir í akstri á vegum - löggan hefur eflaust tilhneigingu til að horfa með athygli á snúningsnúmeraplötur - þannig að eigendur þurfa að takmarka aksturinn á Bond-bílunum við sína eigin landareign.
Hvar hinn raunverulegi Goldfinger DB5 er, eins og hann birtist í myndinni frá 1964, er sveipað dulúð. Það var bandarískur kvikmyndasafnari sem keypti bílinn á tíunda áratugnum og síðan hvarf bíllinn úr flugskýli í Flórída árið 1997. Hann er enn týndur.
Litli Corgi-módelbíllinn af DB5 Bond með virkum græjum hefur reynst ótrúlega seigur og yfir 20 milljónir eintaka verið seld. Módelið er enn í framleiðslu.
Upprunaleg módel frá 1965 geta selst á allt að 500 pund.
James May, gestgjafi Grand Tour hjá Amazon Prime Video (og áður í Top Gear), skrifaði fyrir Sunday Times Driving og kallaði Corgi DB5 merkasta bílinn sem gerður hefur verið: „Barnæskan er mótandi og við sem elskum bíla elskuðum þá fyrst sem leikföng,“ sagði hann.
James May með Corgi James Bond DB5.
Marek Reichman sagði við kynninguna á „stóra módelbílnum“: „Það er mikill heiður fyrir okkur að marka upphafið að „No Time To Die“- herferðinni í dag með þessari spennandi afhjúpun. Samband Aston Martin við James Bond spannar áratugi og DB5 er án efa frægasti bíll í heimi eftir þetta 50 ára samstarf.“
Stikla úr nýju Bond-myndinni „No Time to Die“
Aðrar umfjallanir
SEMA-sýningin í Las Vegas sneri aftur úr „Covid-fríi” á þessu ári og er haldin þessa dagana. Bandarísku Stellantis vörumerkin Jeep, Ram, Dodge og Mopar verða áberandi.
Lítið er um fréttir af nýjum bílum þessa dagana, en ýmsar bílavefsíður hafa birt fréttir um að BMW X2...
Í gær skemmdust tugir bíla í Alberta í Kanada þegar árás var gerð af himnum ofan. Haglél er eitt en tennisboltar eru annað. Eða hvað? Í þetta skiptið virtist þetta eitt og hið sama og afleiðingarnar eftir himnasendinguna eftir því! Eigum við nokkuð að kvarta yfir veðrinu?
Árið er 1964 og við sjáum vænsta mann kyssa stelpurnar sínar ástúðlega áður en hann fer í vinnuna á bílnum. Um leið og bílinn fer í gang breytist maðurinn. Já, hann er orðinn að sannkölluðu fúlmenni! Bráðskemmtilegt myndband frá 1964 um hvernig maður á EKKI að haga sér í umferðinni!