Bilanagreiningar og bílaráðgjöf
Loga aðvörunarljós í mælaborðinu, verður bíllinn oft rafmagnslaus, eru öryggi að springa, þarftu að ná útvarpinu úr, fer bíllinn ekki í gang, þarftu að lofttæma ABS hemla eða byrjaðir þú að gera við bílinn en ert núna stopp og kemst ekkert áfram?
Þarftu aðstoð núna og getur ekki beðið? Bílagreining gæti líklega bjargað þér ef svarið er já við einhverju af þessu. En Bílagreining er þjónusta fyrir bíleigendur, bílaverkstæði og önnur fyrirtæki á Suðurnesjum. Nánar tiltekið í Reykjanesbæ og Suðurnesjabæ.
Hvernig virkar þessi þjónusta?
Þú hefur samband, lætur vita hvað er að og gefur helst upp bílnúmerið þá er hægt að forvinna verkefnið. Bifvélavirkinn fer þangað sem bíllinn er en yfirleitt ekki öfugt og skoðar málið.
Hvað getur Bílagreining gert?
Næstum allt sem viðkemur rafmagnsbilunum og tölvum í bílum en Bílagreining sérhæfir sig í erfiðum rafmagnsbilunum sem aðrir geta ekki sinnt eða vilja helst ekki sinna.
Prófað hvort EOBD eða OBD2 tengið í bílnum virkar eða er rétt tengt.
Fundið út úr samskiptavandamálum milli tölva í bílum. En tölvur í flestum eða öllum bílum „tala“ saman yfir netkerfi sem eru kölluð BUS t.d. CAN BUS.
Fundið út úr rafmagnsvandamálum eins og útleiðslu sem getur valdið því að bíllinn verður oft rafmagnslaus eða er alltaf að sprengja öryggi.
Prófað, mælt og hugsanlega gert við hluti úr bílum eins og rafgeyma, tölvur, startara, rafala og margt fleira. En það er annað hvort hægt að koma þessum hlutum til Bílagreiningar eða bifvélavirkinn fer þangað sem hlutirnir eru.
Bílagreining er þjónusta fyrir bíleigendur, bílaverkstæði og önnur fyrirtæki á Suðurnesjum. Nánar tiltekið í Reykjanesbæ og Suðurnesjabæ.
Verð
Bílagreining er með einfaldan verðlista og á honum eru bara tvö atriði ef frá er talið efni sem gæti þurft í viðgerðir:
Tímaverð. Unninn tími.
Grunngreining og yfirferð. Innifalið í því er álagsprófun rafgeyma, startpróf og hleðslupróf. Tékkað á mótorolíu, kælivökva og hemlavökva. Drifreim (viftureim) skoðuð, vélarúm skoðað eins og hægt er með tilliti til vökvaleka, ástands rafkerfis o.fl.. Hlustað eftir óeðlilegum hljóðum þegar vélin er í gangi.
Tölvulestur og „heilsufars“ skýrsla ef eitthvað finnst að. Þetta er yfirleitt óþarft fyrir 100% rafbíla en ágætt fyrir alla aðra bíla t.d. áður en lagt er af stað í ferðalag.
Það er engin ástæða til að bíða eftir því að eitthvað bili og/eða aðvörunarljós kvikni í mælaborðinu. Oft er hægt að sjá með einhverjum fyrirvara hvort eitthvað er að fara að bila eða skemmast. Þannig er hægt að spara sér tíma og peninga.
Bílagreining reynir alltaf að stilla verðinu í hóf og bjóða góða þjónustu.
Undirritaður er með mjög mikla reynslu af bílaviðgerðum og tækniráðgjöf vegna bíla.
Aðrar umfjallanir
Vörubílstjórum fækkar um 109 á degi hverjum í Bandaríkjunum. Ástæðan er sú að þeir falla á lyfjaprófi og eru því bókstaflega teknir úr umferð.
Apple tilkynnti um fjölda nýrra aðgerða og uppfærslna á Alþjóðlegu þróunarráðstefnunni 2020 í dag, en margar þeirra tengjast beint bílaheiminum.
Stærstu sigurvegararnir voru Toyota, Kia - hver hefur bætt við sig tveimur prósentum eða meira af markaðshlutdeild síðan 2017 - á eftir Hyundai...
Volvo mun breyta því hvernig fyrirtækið nefnir bíla sína og hefja það með nýju rafknúnu flaggskipi sem verður frumsýnt á næsta ári...