Rafdrifinn RAM væntanlegur 2024
Á dögunum hélt Stellantis sérstakan „rafbíladag“ og þar mátti víst sjá ýmislegt sem væri í vændum frá þeim í framtíðinni. Þar á meðal var forkynning á rafmagns Ram 1500, sem mun keppa við Ford F-150 Lightning og væntanlegan rafknúinn Chevy Silverado.
Ram 1500 EV, eða rafbíllinn, er væntanlegur í framleiðslu árið 2024. Kynningarljósmyndin sýnir að rafmagns Ram 1500 mun ekki líkjast núverandi Ram 1500.
Hægt er að sjá ljósarönd að framan í fullri breidd og stuttan pall. Bíllinn lítur líka út fyrir að vera með mýkri línur en núverandi pallbíll.
(frétt á TORQUE REPORT)
Aðrar umfjallanir
Hversu vel þekkir þú gömlu bílgrillin? Nú getur þú tékkað á snilli þinni og deilt spurningunum á Facebook.
Einhver úti í hinum stóra heimi hefur tekið sig til og gert alla núverandi keppendur í Formúlu 1 að bústnum vörubílstjórum. Útkoman er vægast sagt sprenghlægileg og fer nú eins og eldur í sinu um veraldarvefinn. Það er ómögulegt að sleppa þessu þótt vitlaust sé!
Við getum keypt pylsur, kókómjólk og annað snarl í gegnum bílalúgu hér á landi, og jú, apótekin maður! Nokkur apótek bjóða upp á afgreiðslu gegnum bílalúgu og það er algjör snilld! En banki með bílalúgu? Nei, ekki á Íslandi. Ekki í dag alla vega.
Maður nokkur í Bandaríkjunum keypti notaðan bíl til að gefa dóttur sinni í afmælisgjöf. Hún var nefnilega að fá bílpróf. Þegar maðurinn var að gera bílinn fínan fann hann umslag undir gúmmímottu í hanskahólfinu. Umslagið var stílað á nýjan eiganda bílsins.