Volkswagen keppti í Norra Mexican 1000 Baja rallinu á talsvert breyttum ID.4 rafmagnsbíl. ID.4 bíllinn lauk rallinu með stæl og það var atvinnuflugmaðurinn Tanner Foust sem ók fyrir Volkswagen.
„Þetta var bara það sem við vonuðumst eftir, að klára“, sagði Foust eftir rallið.
Volkswagen menn sögðu að bíllinn hefði aðeins hlotið minniháttar skemmdir á afturstuðara í þessu 1.141 kílómetra ralli um eyðimörkina. Allur helsti búnaður bílsins, þar með talinn orginal rafmótorinn, drifrásin og boddý virkuðu eins og við var að búast.
Ekkert í reglunum bannar að rafmagnsbíll sé hlaðinn með drætti. Bíllinn hlóð um 20 kwst/klst. með því að nýta togaflið inn á rafhlöðuna.
Olíudrifinni hleðslustöð var komið fyrir í kerru sem hægt var að hlaða bílinn í. Stöðin gaf 50 kwst/klst. hleðslu.
Baja rallið þykir gríðarlega erfitt og tekur bæði toll af mönnum og bílum. Bara að klára þetta án mikilla hrakfara og bilana er nokkuð eftirtektarvert.
Þó svo að VW ID.4 hefði klárað rallið og það án nokkurra högga náði hann ekki neinu stjörnusæti.
Og stýrið hélst snjóhvítt allt rallið.
Eftir að hafa ekið samtals 37 klst. 38 mínútur og 30 sekúndur (að meðtaldri eins klukkustundar og þriggja mínútna refstitíma) lenti hann í 61. sæti í keppninni.
Flestir keppnisbílarnir á undan voru sérhannaðir bílar til aksturs utanvega eins og Jeep Wrangler, AM General M998 og Toyota 4Runner en Meyers Manx á upphækkaðri Beetle (Bjöllu) komst líka í mark.
VW ID.4 var valinn Bíll ársins af Bandalagi Íslenskra Bílablaðamanna nú í júní. Við hjá Bílablogginu erum einmitt að vinna að verkefni er lýtur að því að skipta úr bil með hefðbundinni brunavél yfir í rafamagnsbíl. Við ökum á Volkswagen ID.4 í því verkefni.
Aðrar umfjallanir
Myndir sem taldar eru sýna nýjan Range Rover fóru í dreifingu á samfélagsmiðlum en bíllinn verður ekki kynntur fyrr en í næstu viku.
Við könnumst flest við „jetski“ en „jetcar“ er eitthvað sem maður tengir helst við eyðimerkurakstur þotubíla sem reyna að slá hraðamet. Í þessu tilviki er þetta bíll sem þeysist eftir haffletinum. Sportbíll meira að segja.
19. júlí sl voru liðin 53 ár frá fyrstu komu manna til tunglsins. “The Eagle has landed” var tilkynningin sem geimfararnir sendu til Jarðar til að tilkynna komu sína á áfangastað...
Volkswagen er smám saman að opinbera frekari upplýsingar um framleiðsluútgáfu ID.Buzz hugmyndabílsins. Við sáum bílinn sem mjög dulbúna sjálfakandi skutlu í september 2021 og nýjasta myndin sem þýski bílaframleiðandinn sendi frá sér sýnir rafmagnsbílinn í mun minni felulitum.