Fyrir fáeinum árum hitti ég hér á landi atvinnubílstjóra frá Rúmeníu. Samtalið var fremur stirðbusalegt í upphafi og velti ég fyrir mér hvað við gætum rætt um, eitthvað tengt heimalandi hans, til að bæði brjóta og bræða ísinn. Fyrir utan þá hrollköldu staðreynd að hann talaði ekkert þeirra tungumála sem ég tala og auðvitað öfugt.

Ekki bara bíltegund

Rúmeninn varð svo glaður þegar hann áttaði sig á hvað ég var að tala um, að honum vöknaði um augu. Kannski var hann líka dálítið dapur vegna þeirrar staðreyndar að ég og við flest berum nafnið Dacia rangt fram, en hann varð líka angurvær við tenginguna. Þurfti ég að skrifa D-A-C-I-A niður á blað og þá hrópaði maðurinn: „Ah! Dattsíja! Haha! My home!“

Frekar kjánalegt og gott að bílferðin var ekki lengri en raun bar vitni.

Vinsæll, einfaldur og nokkuð góður

Dacia er á vissan hátt merki um góðæri hér á landi; þegar þeir eru út um allt þá er fullt af ferðamönnum. Dacia hefur verið afar vinsæl tegund hjá bílaleigum landsins undanfarin ár. Lítum á tölurnar:

Staðreyndin er sú að af 30 vinsælustu tegundunum af skráðum ökutækjum á Íslandi er Dacia númer 22 og eru bílar af þeirri gerð 4.320 talsins.

Dacia er kannski þeirra „lopapeysa“

Þó svo að það hafi verið misskilningur að Rúmeninn væri frá bænum Dacia og að Dacia-verksmiðjan væri fjölskyldufyrirtækið þá er það nú svo að Rúmenar eru stoltir af tegundinni sinni - sem framleidd hefur verið frá árinu 1966. Það eiga margir Rúmenar eilítið í Dacia; hvort heldur er nafninu sjálfu eða því sem framleitt er í heimalandinu. Eða kannski á Dacia stað í hjarta Rúmena.

Reynum svo að bera þetta rétt fram! DATTSÍJA! Eða ekki. Rúmenarnir geta í það minnsta hlegið að okkur og með!