Kia uppfærir Sportage
- Metsölubíll framleiðandans fær nýtt útlit að innan sem utan
- Kemur á Evrópumarkað í september
Við sögðum frá því hér á vefnum fyrir nokkrum dögum að Kia væri að fara að frumsýna nýja útgáfu af Sportage, en fyrstu alvöru myndirnar af nýja bílnum birtust í dag.
Svarta grill Sportage teygir sig framan á bílnum og tengir „Tiger Nose“ grillið á framenda bílaframleiðandans við dagljósin.
„Með nýjum Sportage vildum við ekki bara taka eitt skref fram á við heldur fara á annað stig í jeppaflokknum,“ sagði yfirmaður hönnunar Kia, Karim Habib, í yfirlýsingu.
Nýi Sportage er með svart grill sem teygir sig yfir framendann á bílnum. Grillið tengir sérstætt grill Kia „Tiger Nose“ við dagljósin.
Í fyrsta skipti verður jeppinn fáanlegur með litavalkostum fyrir þakið sem er í mótsögn við yfirbyggingu ökutækisins.
Innrétting Sportage hefur verið endurhönnuð til að koma til móts við nýjustu tengingartækni. Mælaborðið er með breiðan boginn skjá með snertiskjá með innbyggðum stýringum. Vistvænn miðjustokkurinn er með bestu staðsetninu fyrir ökumann og farþega að framan, sagði Kia.
Jeppinn verður með X-Line sem felst í meira áberandi línum í útliti, þar á meðal einstökum stuðara og hliðarsílsum og bognum þakbogum.
Sportage verður kynntur í júlí í Kóreu en evrópska útgáfan kemur í september.
Kia hefur ekki sagt hvernig evrópska útgáfan af Sportage muni vera frábrugðin útgáfunum fyrir aðra alþjóðlega markaði. Nánari upplýsingar um evrópska Sportage verða gefnar út í september, sagði bílaframleiðandinn.
Sportage er mest selda módel Kia í Evrópu. Sala fyrstu fjóra mánuðina jókst um 21 prósent í 29.295 einingar, samkvæmt upplýsingum frá JATO Dynamics markaðsfræðingum.
(Automotive News Europe)
Aðrar umfjallanir
MUNCHEN - BMW afhjúpaði á miðvikudag iX, sem er rafknúinn sportjeppi og verður hann nýtt „tækniflaggskip“ bílaframleiðandans...
Í gær birti IslandusBÍLAR tilkynningu á vefsíðu sinni þar sem varað er við svindlurum sem fyrirtækið segir að hafi notfært sér upplýsingar frá Islandus Europe. Þannig hafi þeir herjað á viðskiptavini þess sem hafi í góðri trú greitt tugi milljóna inn á bíla sem ekki eru til.
Er bílahönnun orðin of einsleit? Vill fólk fleiri furðubíla? Það er mat mannsins í skræpóttu skyrtunni. Lof mér að kynna: Bob Sorokanich, ritstjóra Jalopnik.
Verð sagt vera svipað og á pallbílnum, en er töluvert minni, svo hann ætti að vera betri í torfærum...