Gamlar og nýjar skissur úr smiðju GM
Það er ótrúlega gaman að kíkja inn á Instagram reikning GM Design og sjá hvað þar er að gerast. Enn skemmtilegra er þó að kafa dýpra og sjá þar dýrindis skissur hinna goðsagnakenndu hönnuða úr fortíðinni og sjá hvað þeir voru að hugsa. Þar má reyndar sjá að ekki komust þær allar í framleiðslu.
Í liðinni viku mátti til dæmis sjá á Instagram reikningi GM Design nokkrar myndskreytingar frá George Camp, en ferill hans spannaði tæpa fjóra áratugi, frá 1963 til 2001.
Ein af skissunum lítur út fyrir að vera 1971-72 Pontiac GTO Judge en með tveimur stórum köntuðum framljósum í stað sex kassalaga sem voru í framleiðsluútgáfunni.
Að aftan er hann allt öðruvísi en framleiðsluútgáfan, með stórum samfelldum spoiler.
Skissur af Pontiac GTO Judge og Corvette ZR-1 úr smiðju GM.
Framleiðsluútgáfa af Pontiac GTO Judge árgerð 1970.
Framsýnar hugmyndir
Önnur atriði sem sjá má en ekki voru í framleiðsluútgáfu Pontiac GTO Judge gerðinni eru stór loftinntök neðantil að framanverðu, „gardínulaga“ stönsun í framstuðara og loftinntök undir framljósunum – sem alls ekki eru svo fráleit og sjá má á mörgum bílum dagsins í dag.
Þó illa hafi gengið að sjá dagsetningu á myndunum mátti sjá ártalið 1965 sem passar nokkuð vel við í tíma.
Bland í poka
Það er líka teikning af straumlínulagaðri Corvette ZR-1. Sjá má augljós tengsl á hugmynd GM á Corvette Indy frá árinu 1986 og fjórðu kynslóðar F-body Pontiac Firebird.
Svo það er ekkert fráleitt að hlutar þessarar skissu hafi verið notaðir í framleiðsluútgáfu.
Fjórða kynslóð Pontiac Firebird - F-body.
Í skissupakkanum mátti einnig finna skissu af sportbíl frá því í maí 1970 sem líkist mjög Mazda RX-500 frá sama ári. Einnig Syd Mead (frægur hönnuður hjá GM) útlit af Cadillac Coupe. Á þeim bíl var grillið vörumerki GM og átti að tákna foss. Að aftan líktist skissan Colonnade Cutlass (Colonnade bílarnir voru með B-bita og mjög stórum hliðargluggum).
Undirritaður átti einn svona. Fékk hann nýjan úr kassanum.
Mazda RX-500 hugmyndabíll frá 1970. Þessi var til í Matchbox útgáfu.
Efri myndin er af bíl sem líkist ansi mikið Mazda RX-500 hugmyndabílnum frá 1970 og sú neðri skissa af Cadillac Coupe með Syd-Mead lúkki.
Að aftan líktist skissan af Caddanum þessum Oldsmobile Cutlass
Framtíðartónn
Á Instagram reikningi GM Design voru líka nýrri skissur. Ein skisssan sýnir FJ Cruiser, rafdrifinn off-road bíl, nokkuð huggulegan sportara með Chevy grillinnu og Silverado pallbílinn sem lítur eiginlega mun betur út en núverandi framleiðsluútgáfa.
Rafdrifinn off-road rafmagnsbíll.
Hér er pallbíllinn sem líkist Silverado nokkuð en lúkkar þó mun betur.
Huggulegur sportari með Chevy grilli.
Það er frekar auðvelt að gleyma sér í vafri á Instagram aðgangi GM Design enda gaman að sjá hvað hefði getað verið og hvað gæti orðið.
[Fyrst birt í maí 2021]
Aðrar umfjallanir
Leyfið mér að kynna Jimmy. Hann býr í Teslunni sinni og það hefur hann gert síðan 25. febrúar á þessu ári. Jimmy ætlar að búa í bílnum þangað til 25. febrúar 2022. Hann opnar líf sitt upp á gátt en fáir hafa sýnt því áhuga.
Það hefur nánast verið hljótt um sprotafyrirtækið Bollinger Motors, sem er í Michigan í Bandaríkjunum, frá því að þeir sýndu par rafknúinna torfærubifreiða...
Þegar þú ert að rölta um í framandi landi tekur þú gjarnan eftir því sem er ólíkt því sem þú átt að venjast.
Sumar nýjungar í bílum slá algjörlega í gegn. Aðar virðast aðalllega pirra fólk og sumir sjá ekki tilganginn með þeim. Lítum nánar á þessar minna vinsælu nýjungar!