Bílarnir í lífi Bandaríkjaforseta
Núna þegar heimurinn er laus við Donald Trump og sæmilega viti borinn maður er kominn í hans stað í Hvíta húsið er vert að skoða bílamál hins 78 ára gamla Joe Biden, en hann er sonur bílasala og hefur því jafn mikið vit á bílum og fyrirrennari hans hafði lítið vit á þeim.
Biden tók bílpróf árið 1958 og fyrsti bíllinn sem hann eignaðist var ´51 árgerðin af Studebaker, en þeir bílar voru teiknaðir af hinum þekkta hönnuði Raymond Loewy sem gerði garðinn frægan vestra um miðja síðustu öld.
Joe var ekki lengi á Studebakernum því hann skipti honum fljótlega upp í sportlegan epla-rauðan ´51 Plymouth Cranbrook-blæjubíl. Það var mun skemmtilegra að „deita“ stúlkur á þeim bíl og með honum hófst ævilöng ást Bidens á blæjubílum, sem enn sér ekki fyrir endann á.
Evrópumenn eru þekktir fyrir sportlega blæjubíla og ungi maðurinn í Delaware varð sér úti um nokkra ára gamlan Mercedes Benz 190 SL til að sannreyna ágæti þeirra bíla. Þó að vélaraflið væri ekki nema 104 hestöfl voru þetta léttir og liprir bílar sem komust vel áfram úr sporunum.
Þegar Joe kvæntist unnustu sinni Neilia Hunter árið 1967 fengu hjónakornin spánýjan Chevrolet Corvette-blæjubíl í brúðkaupsgjöf frá Joe eldri. Undir húddinu er 327 kúbika (5,4 lítra) V8-vél sem afkastar 300 hestöflum. Þennan bíl á Biden ennþá, en tækifærin til að keyra hann eru reyndar fá, þar sem forseti Bandaríkjanna má ekki setjast undir stýri.
Sömu sögu var reyndar að segja um varaforsetann Joe Biden á árunum 2008 til 2016, en þá mátti hann heldur ekki keyra bíl á almannafæri.
Fornbílamanninum Jay Leno tókst þó að lokka hann undir stýri á gömlu Corvettunni á æfingasvæði bandarísku leyniþjónustannar árið 2016 og er gaman að sjá Joe rifja upp gamla takta á þessum öfluga sportbíl:
Aðrar umfjallanir
Gangbrautarljós eru margs konar en það einkennir þau flest að grænt merkir að í lagi sé að ganga yfir og rautt merkir að ekki skuli ganga yfir. Það sem getur verið breytilegt er græni eða rauði „karlinn“. Í Þýskalandi t.d. getur þetta verið karl, kona, álfur, jólasveinn eða eitthvað allt annað.
Það hefði verið afleit hugmynd að hafa þennan mann í rannsóknardeild lögreglunnar. Svo ekki sé minnst á fíkniefnabrotadeildina. Nei, í umferðardeildinn í Indore á Indlandi er lögregluþjónninn Ranjeet Singh á réttri hillu.
Róttækir réttlætisriddarar bílastæða tefldu sinn fyrsta leik árið 2012 með stofnun Facebook-hópsins „Lærðu að leggja“. Nú, hátt í áratug síðar, hefur fjöldi meðlima hópsins margfaldast og telur tæp 14 þúsund. Í dag heitir hópurinn „Verst lagði bíllinn“.
Í apríl síðastliðnum efndi Rolls-Royce til samkeppni meðal krakka um allan heim. Breski lúxusbílaframleiðandinn vildi sjá börn hanna...