Mercedes kynnir nýjan Maybach S-Class
Mercedes-Benz er að samstilla samkeppnina í flokki „ofurlúxusbíla“.
Verðlagning hefur ekki verið gefin upp.
Mercedes-Maybach S-Class er með Maybach-stuðara, grill og tvílita málningu.
Maybach S 580 4MATIC fólksbifreiðin er knúin 4,0 lítra V-8 vél með tvöföldu túrbó sem er 496 hestöfl. Vélin er búin EQ Boost, sem veitir allt að 21 hestöfl til viðbótar í stutta spretti.
Mercedes hefur selt meira en 60.000 Maybach S-Class fólksbifreiðar á heimsvísu síðan 2015. Kína er vinsæll markaður og nam salan þar meira en 8.400 eintökum á síðasta ári.
„Eigendur vilja ekkert minna en það besta og aðeins fáar tegundir reyna jafnvel að vera með á þessu sviði,“ sagði Fiorani.
Mikil þægindi
Mercedes er að staðsetja Maybach S-flokkinn sem fólksbifreið til að vera keyrður í. Áherslan á þægindi í aftursæti beinist beinlínis að vel stæðum kaupendum í Kína sem horfa til lengri gerða hjólhafs fyrir þarfir sínar í vali á bíl.
Innréttingin í Maybach S-Class er byggð á nýrri hönnun innanrýmis í Mercedes-Benz S-Class 2021.
Fimm skjáir sem eru staðalbúnaður eru í bílnum, þar á meðal 12,3 tommu mælaborðsskjár og 12,8 tommu OLED margmiðlunarskjár með snertiskjá.
Endurhannaði Maybach S-Class er búinn næstu kynslóð af MBUX upplýsingakerfi Mercedes, 30 hátalara 4D „surround“ kerfi og vísun upplýsinga í sjónlínu ökumanns.
Farþegar í aftursætinu geta tekið myndsímtöl með Zoom í gegnum tvöfalda 11,6 tommu snertiskjái með hárri upplausn, sem búnir eru háskerpumyndavél og hljóðnema.
(frétt á Automotive News Europe)
Aðrar umfjallanir
Samkvæmt fréttum frá Reuters og Bloomberg hefur bílasýningunni í Genf, sem átti að fara fram í febrúar, verið aflýst fjórða árið í röð.
Leyfið mér að kynna Jimmy. Hann býr í Teslunni sinni og það hefur hann gert síðan 25. febrúar á þessu ári. Jimmy ætlar að búa í bílnum þangað til 25. febrúar 2022. Hann opnar líf sitt upp á gátt en fáir hafa sýnt því áhuga.
Fréttastofan Bloomberg birti frétt sem gæti fengið suma til að þurfa að slaka á: Ef þú hefur beðið spennt/spenntur eftir fullri rafútgáfu af Porsche 911 sportbílnum gætirðu...
Þessi rafknúni ofursportbíll er hannaður til að slá ýmis met fyrir verksmiðjuframleidda bíla. Nafninu verður þó breytt og kemur í ljós líklega...