Er tungutakið í tæknistöffinu að stuða þig!
Afl véla, þar með talið rafmótora, er oft skráð sem kW eða kílóvött en sumum finnst betra að hafa þetta í hestöflum og þá er hægt að leika sér að því að breyta þessum einingum fram og til baka hér.
Tog bílvélar er mælt í Nm (Newton metrar).
T.d. þegar ekið er upp brekku, aflið tryggir að bíllinn nái hraða en togið viðheldur honum eða kemur í veg fyrir að bíllinn tapi hraða í brekkunni.
Vél með hátt tog er góð í brekkum og það er nauðsynlegt í torfærujeppum en vél með mikið afl er t.d. góð í kvartmílubíl. Best er náttúrulega að hafa bæði mikið afl og tog.
Drægni er gefin upp í kílómetrafjölda sem bíllinn fer á fullhlaðinni rafhlöðu.
Drægni, drægi eða aksturssvið (range) rafbíla er gefið upp í kílómetrum (km) en kílómetratalan segir til um hversu langt bíllinn kemst á fullri hleðslu áður en rafgeymirinn er tómur. Þetta er líklega fræðileg tala sem stenst ekki nema við fullkomnar aðstæður og á nýjum bíl.
Nýtni (efficiency), mæld í kWh/100 km er rafmagnseyðslan á hverja hundrað kílómetra hliðstætt eyðslumælingum á vélum sem brenna eldsneyti.
Flestir nýjustu bílarnir í dag eru með notendaviðmót sem sýnir allar mögulegar upplýsingar um stöðu tæknibúnaðar bílsins og eiginleika hans.
Rafgeymirinn rýrnar með tímanum en það fer mikið eftir því hvernig hann er hlaðinn, t.d. er ekki gott að hraðhlaða geyminn alltaf. Hvernig bíllinn er notaður hefur líka áhrif. Þetta kemur svipað út og að tankurinn sé stöðugt að minnka. Rafgeymirinn samanstendur af mörgum sellum sem er stundum hægt að skipta um svo það er oft ekki nauðsyn að skipta um heilann rafgeymi með tilheyrandi kostnaði.
Ein mikilvæg mælieining sem er enn ónefnd í sambandi við rafmagn er A eða amper og er fyrir rafstraum (hliðstætt við vatnsstraum nema í þessu tilfelli eru það rafeindir sem flæða í staðinn fyrir vatnið).
Það er mjög mikilvægt að vita hvort tengillinn þar sem hlaða á rafbílinn er gerður fyrir 10A sem er of lítið eða 16A. Best er að ræða við rafvirkja til að fá þetta á hreint því venjulegur 16A tengill þolir ekki að hlaða á fullum afköstum nema í skamman tíma, því er mælt með því að stilla hleðsluna niður á 10A.
Akandi tölvur?
Allt sem þú þarft að vita um heimahleðslu er að finna í þessu pdf skjali. Það er líka hægt að kaupa heimahleðslustöðvar en þá er líklega hægt að hlaða hraðar og öruggar ef fenginn er löggiltur rafvirki til að setja þær upp.
Að lokum bendum við á Facebook síðu Nissan Leaf á Íslandi því þar eru rafbílaeigendur með mikla reynslu af rekstri rafbíla og eru oft að miðla af reynslu sinni.
Aðrar umfjallanir
Vefur Auto Express birtir frétt um að ný fullrafknúin útgáfa af hinum vinsæla Ford Puma...
BMW hefur nú einbeitt sér að því að þróa flota nýrra rafknúinna ökutækja, en þýski framleiðandinn hefur ekki gleymt grunni viðskiptavina sinna, þess vegna...
Íslendingar óku gjarnan eigin bílum á ferðalögum erlendis og gat það verið meiriháttar áskorun. Í Tímanum árið 1961 birtust ráðleggingar til þeirra sem ætluðu á flakk úti í hinum stóra heimi og það á sínum eigin bíl.
Ford Mustang Mach-E rafbíllinn er með meira spennandi bílum sem átti að koma á markað á þessu ári – það gæti orðið bið...