Vetnisdrifinn Toyota Mirai „páfabíll“ smíðaður fyrir Frans páfa
- Sérstaklega breyttur Toyota Mirai „popemobile“ eða „páfabíll fyrir hans heilagleika, með hækkuðu aftursæti og gylltum merkjum
[Ath. frétt frá 12. október 2020] Biskuparáð kaþólsku kirkjunnar í Japan og Toyota gáfu hans heilagleika, Frans páfa, nýtt ökutæki.
Nýjasta gerð „páfabílsins“ fyrir Vatíkanið er byggð á vetnisknúnum Toyota Mirai, sem Páfagarður segir að muni í það minnsta ekki auka áhyggjur páfa af loftslagsbreytingum.
Eins og allir fyrri „páfabílar“, er þessi Toyota Mirai aðeins breyttur til að hann henti þörfum páfa. Áberandi er endurhannaður afturendi með upphækkuðu sæti og öryggisbúri, sem gerir fylgjendum páfa kleift að sjá hann skýrt þegar hann birtist opinberlega.
Það er líka LED-lýsingarkerfi, par af fánum Vatíkansins á fánastöngum á frambrettunum, nokkur gyllt merki Vatikansins og þrep til þæginda sem fest eru við afturhurðina til að veita páfa greiðan aðgang að aftursæti ökutækisins.
Toyota Mirai er knúinn af 153 hestafla rafmótor, sem knúinn er með vetnisrafmagni. Fyrirtækið segir að aflrásin veiti hámarksdrægni í kringum 500 km - og þar sem aflrásin framleiðir rafmagn með því að sameina vetni við umhverfisloftið, þá er eina losunin sem fer frá „púströrinu“ vatn.
Aðrar umfjallanir
Þegar Tesla kom fram með ok-stýrið í Model S varð stýrið, eðli máls samkvæmt, ekki lengur hringlaga heldur meira í áttina að flugvélarstýri. Urðu þá sumir hrifnir en aðrir hundóánægðir.
Nú er eldgos og því fullkomlega við hæfi að fjalla um öskubakka - í bílum...
Það er merkilegur áfangi að verða hálfrar aldar gamall. Nú, árið 2022, eru liðin 50 ár síðan Fiat 126 kom á markað og var þeim litla bíl ætlað stórt hlutverk: Hann tók við af Fiat 500. Eða gerði hann það? Það var ætlunin í upphafi en hjörtu manna vann hann þó ekki á sama hátt og Fiat 500.
Meira að segja Jeremy Clarkson, sleggjan úr Top Gear, var eitt sinn ungur. Eða alla vega yngri. Hér er bráðskemmtilegt 25 ára myndband með Clarkson en hann hafði þá verið einn kynna Top Gear þáttanna í 9 ár.