Haustrigningar og vatnsrásir í malbiki
Umhleypingar í veðri á þessum árstíma geta verið ökumönnum hættulegar. Snögg veðraskipti, sér í lagir miklar haustrigningar geta skapað hættu í umferðinni, sér í lagi þar sem slitrásir hafa skapast í slitnu malbiki.
Í rigningatíð safnast vatn í þessar slitrásir, sem geta valdið því að ökumenn missa stjórn á bílnum, jafnvel bara í andartak, sem er samt nóg til þess að bíllinn „fljóti upp“ og rási til hliðar.
Ástand dekkjana á bílnum skipti miklu máli við þessar aðstæður, því sé bíllinn á mjög slitnum dekkjum er miklu líklegra að þetta gerist. Margir bíleigendur freistast til að „keyra gömlu sumardekkin út“ því það er stutt í það að leyfilegt sé að skipta yfir á vetrardekkin. Því grófari sem dekkin eru því minni hætta er á því að bíllinn nái að fljóta í vatninu sem safnast hefur fyrir í vatnsrásinni í malbikinu.
Og bíllinn náði að „fljóta“ eitt andartak, þótt hann væri á nánast ókeyrðum sumardekkjum. Það kann að hafa spilað hér inn í að þessi bíll er með drif á afturhjólunum, en umfangsmiklar prófanir hjá dekkjaframleiðendum hafa leitt í ljós að framdrifnir bíla grípa betur í malbikið við svona veðuraðstæður.
Slitrásir sem myndast í malbiki, og fyllast af vatni í rigningu, geta verið hættulegar og valdið því að ökumenn missi stjórn á bílum sínum. Mynd af vef VÍS.
Tölur frá tryggingafélögum styðja þessa staðreynd
„Töluverð hætta er á að ökumenn geti misst stjórn á bílum sínum ef þeir aka í vatnsrásum í malbiki. Sér í lagi er hættan mikil ef ekið er á slitnum dekkjum. Kannanir VÍS sýna að það sé algengt, sér í lagi á tjónabílum sem koma inn til félagsins. Bílar geta flotið upp og ökumaður lítið ráðið við ökutækið”.
„Mikilvægt er því að haga akstri miðað við aðstæður með því að forðast að aka í vatnsrásunum og draga úr hraða ökutækis. Svo mátti lesa á vef VÍS fyrir nokkrum árum, og þetta á við enn í dag.
Meiri hætta ef hitastigið fellur
Þá er rétt að benda á að enn meiri hætta getur skapast við akstur í vatnsveðri ef hitastigið fellur og færist nær frostmarki. Þá verða þessar vatnsrásir enn hættulegri, því vatn og raki situr lengur á malbikinu við rásirnar og mynda svell sem getur verið enn hættulegra.
Aðrar umfjallanir
Mörgum finnst þetta vera flottasti jeppinn – öðrum finnst hann ljótur – hvað sem öllum finnst þá er verið að „hressa hann við“ þessa dagana.
Nýbyrjað ár verður örugglega „ár rafbílanna“ – jafnt hér á landi og úti í honum stóra heimi...
„Ég var orðinn þreyttur á að fólk sæi mig ekki í umferðinni,“ skrifar eigandi Mazda Miata en hann fékk sér flautu í bílinn sem hljómar eins og lestarflauta. Þetta svoleiðis „svínvirkar“ eins og sagt er!
Hyundai eykur rafbílaframboð sitt og næsti rafbíll sem koma mun fram á sjónarsviðið verður stór sportjeppi, kallaður Ioniq 7. Hann kemur í framhaldi af Ioniq 5 og nýkynntum Ioniq 6 í rafbílaframboði Hyundai. Sem sjö sæta bíll mun hann keppa við Tesla Model X og Mercedes EQB.