Polestar 2 þræðir línuna á milli nýja og gamla bílaheimsins
Söludeildir Polestar í Þýskalandi, Hollandi og Noregi hafa næstum því selt úthlutun sína af Polestar 2 fyrir árið 2020.
Einn af styrkleikum Tesla, að sögn sumra sérfræðinga, er að þeir einbeita sér meira að tækni en framleiðslu bifreiða.
Stjórnandi eins nýjasta keppinautar bandaríska rafbílaframleiðandans telur að mögulegt sé að skara fram úr báðum.
„Við myndum ekki segja að við smíðum farsíma á hjólum,“ sagði Ingenlath. „En á hinn bóginn erum við ekki hefðbundinn bílaframleiðandi.“
Það að vera öðru vísi er að gera sig hjá Tesla. Þeir færðu sig upp um þrú sæti upp í fjórða sætið og fóru upp fyrir Honda, Ford og Nissan, í árlegu röðun verðmætustu bílamerkja heimsins, að sögn markaðsrannsakandans Kantar.
„Allar greiningarnar sem við gerðum sögðu að ekki væri litið á Tesla bílamerki, heldur sem tæknimerki sem vill svo til að þeir smíði bíla“, sagði Staplehurst.
Heillandi samsetning
Ingenlath vill að litið verði á Polestar fyrir tækni sína og fyrir skuldbindingu sína til framleiðslu bifreiða.
„Við sameinuðum hefðbundið handverk við að smíða bíla, með því að hafa Google sem félaga okkar í að þróa upplýsinga- og afþreyingarkerfið og bjóða upp á þráðlausar uppfærslur,“ sagði hann fréttamönnum á netkynningu fyrir fjölmiðla um Polestar 2 í München í síðasta mánuði. „Þessi samsetning er mjög forvitnileg.“
Polestar 2 er fyrsta gerðin í Volvo fjölskyldunni til að fá Android stýrikerfi Google og samstarfsaðilar eru nú þegar að vinna að næstu kynslóðarkerfi, sagði bílaframleiðandinn í febrúar.
Framkvæmdastjóri Polestar Þýskalands, Alexander Lutz, hefur þegar beðið um fleiri bíla. „Við reiknum með að framboðið nægi ekki eftirspurninni,“ sagði hann við ANE í sérstöku myndsímtali.
Í Þýskalandi nýtur Polestar 2 góðs af hvata stjórnvalda og framleiðenda sem lækka byrjunarverð þess í 48.540 evrur frá um 56.000 evrum.
„Fyrir mér er þetta kjarninn í Polestar“, sagði hann, „að hafa ekki nein landamæri eða fordóma varðandi það sem þarf til að smíða þessa frábæru vöru“.
(frétt á Automotive News Europe)
Aðrar umfjallanir
Recon verður torfærumiðaður jepplingur frá Jeep og Wagoneer S háklassabíll með rafmagni.
Nýr Mazda MX-30 er 100% hreinn rafbíll með ríkulegum staðalbúnaði t.a.m bakkmyndavél, forhitun sem tryggir alltaf heitan bíl, vegaleiðsögn, 18“ álfelgum og innbyggðri...
Samkvæmt eftirfarandi frétt frá fréttastofu Reuters setti Toyota bZ4X, fyrsta fjöldaframleidda rafbílinn sinn, á markað í Japan eingöngu í kaupleigu...
BMW hefur staðfest að i3 framleiðslu sé lokið og iX1 kemur í hans stað. Síðasti i3 rúllaði af færibandi verksmiðjunnar í vikunni.