BMW undirbýr upphaf sumarframleiðslu á rafbílnum iX3
FRANKFURT - BMW reiknar með að hefja uppbyggingu iX3, fyrsta rafmagns „crossover“ frá BMW í sumar, sagði framkvæmdastjórinn við hluthafa fyrirtækisins á dögunum, að því er fram kemur í frétt hjá Automotive News Europe í dag, fimmtudaginn 21. maí.
„Undirbúningurinn gengur samkvæmt áætlun þrátt fyrir óvissu sem stafað hefur af kórónuveiruvandanum,“ sagði forstjórinn Oliver Zipse á aðalfundi fyrirtækisins 14. maí.
Nýr grunnur sem nýtist mörgum gerðum
IX3 verður einnig fyrsti BMW til að nota sveigjanlegan grunn bílsins sem getur nýst fyrir brunahreyfilinn, tengitvinnbíla og rafhlöðuknúna bíla. Einnig er búist við að grunnurinn verði notaður af i4 rafmagns fjögurra dyra „fastback“ sem kemur á næsta ári.
74 kílówattstunda rafhlaða sportjeppans veitir aksturssvið sem er meira en 440 km samkvæmt WLTP prófunarferlinu í Evrópu. Rafhlaðan inniheldur háþéttnisellur sem eru 80 prósent nikkel og 10 prósent hvor fyrir kóbalt og mangan. Fyrir vikið segir BMW að svið iX3 samsvari keppinautum með stærri rafhlöður.
Fimmta kynslóð eDrive
IX3 mun einnig vera með nýja fimmtu kynslóð eDrive BMW, með rafmótor sem krefst ekki notkunar á sjaldgæfum jarðefnum sem annars er þörf vegna segulmagns.
Ólíkt stærri jafningjum Volkswagen Group og Daimler með PPE og EVA2 grunn, ákvað BMW undir stjórn fyrri stjórnarformannsins, Harald Krueger, að þróa ekki sérstaka grunnplötu fyrir rafknúin ökutæki.
Að byggja nýja verksmiðju myndi kosta u.þ.b. 1 milljarð evra en uppsetning núverandi aðstöðu til að framleiða rafhlöður rafknúinna ökutækja mun nema níu stafa fjárfestingu aðallega fyrir smíði yfirbyggingar og samsetningu, að því sem BMW hefur haldið fram.
Aðrar umfjallanir
Í smábænum Sayulita í Mexíkó hefur gamalt VW rúgbrauð fengið helst til óhefðbundið hlutverk. Nú gegnir það hlutverki lyftu og verður sú lyfta að teljast fallegri en lyftur almennt. Eða hvað finnst ykkur?
Gamlir og glæsilegir bílar vekja hvarvetna eftirtekt þegar þeir aka um götur og torg borgarinnar, einkum vegna þess hversu frábrugðnir þeir...
Nú hefur nýju ljósi verið varpað á talsvert gamalt mál og tilraun Mitsubishi til að koma með sambærilegan bíl og Audi Quattro og Ford RS200 á toppi rallý tímabilsins...
Í september síðastliðnum tilkynnti Bentley að verksmiðjan myndi endursmíða 12 eintök af frægasta kappakstursbíl þeirra, 4 1/2 lítra...