Handsmíðaður Karmann Ghia
Þar sem Volkswagen stendur nú á tímamótum með nýja ID3 bílinn er ekki úr vegi að rifja upp söguna og skoða myndir af fallegum forverum hans.
Það var árið 1930 sem Adolf Hitler lét framleiða bifreið sem kalla skyldi "bíl fólksins", einfaldlega Volkswagen. Þar er kominn einn af frægustu bílum heims, hannaður af Ferdinand Porsche. Bjallan var á hagkvæmu verði áreiðanleg og hagnýt. Þremur áratugum eftir fyrstu Bjölluna var hún orðin að táknmynd og er enn í dag.
1964 árgerð af Karmann Ghia.
Sportlegur smábíll
Á sjöunda áratugnum fengu Volkswagen menn þá flugu í höfuðið að gera lítinn sportlegan bíl sem ef til vill myndi slá í gegn fyrir ungar konur á leið á ströndina eða miðaldra karlmenn sem spiluðu póker eða pílu eftir vinnu.
Fegurðin sem kom ekki innan frá
Úr varð gullfallegur bíll sem í dag þykir eftirsóknarvert að eiga. Karmann Ghia var byggður á grunni Bjöllunnar en það var reyndar tvíeggjað sverð fyrir Volkswagen.
Fjörtíu hestöfl
Bjallan var nú ekki beint kraftmikil né hraðskreið í samanburði við samkeppnisaðila þess tíma sem hún hóf göng sína. Bjallan var með flata fjögurra strokka vél sem svipuð vélum sem notaðar eru í flugvélar eins og Piper og Cessna. Stimplarnir ganga á móti hvor öðrum og í flugvélum eru þeir hugsaðir þannig að ekki verði olíuþurrð á stimplinum þó svo að vélin sé ekki í láréttri stöðu. Oft kallaðar boxer vélar.
Úr varð að svona vél var sett í Karmann Ghia bílinn og var rétt um 40 hestöfl í þessum 1000 kg. bíl.
Það var svosem ekki ætlunin að þessi bíll myndi gera það gott á kappakstursbrautinni né átti hann að vera sportbíll þess tíma - en eitthvað var það sem höfðaði til markaðarins og bíllinn varð strax vinsæll hjá ákveðnum hópum.
Eftirherma eða stíll?
Ef menn þekkja Karmann Ghia söguna er smá dramatík í henni eins og flestum góðum sögum. Nú erum við að tala um ákveðinn amerískan hugmyndabíl sem kom fram á sjónvarsviðið árið 1952 og hét Chrysler d'Elegance. Sá var hannaður af Virgil Exner hjá Chrysler en smíðaður hjá Ghia.
Chrysler d'Elegance.
Því er ekki að neita að Karmann bíllinn hefur sláandi líkar línur frá allt frá afturbretti til framstuðara. Þarna er greinilega um hugverkastuld að ræða eins og sagt er í dag. Það er búið að eyða mörgum lítrunum af bleki í þetta mál en enginn gekk þó af göflunum út af málinu.
Stálið beygt með handafli
Það voru nokkur hundruð þúsund Karmann Ghia framleiddir fram undir 1970. Allir þeir voru handsmíðaðir. Já, handsmíðaðar. Volkswagen! Ekki einatt var bíllinn settur saman í höndum heldur var stálið í hann beygt með handafli enda ef þið pælið í því eru nánast allar línur bílsins ávalar. Það er kannski málið með fegurð þessa bíls allt til dagsins í dag?
Grindin undan Bjöllunni var stækkuð örlítið til að gera bílinn stærri, breiðari og örlítið meiri lúxusbíl. Karmann bílinn var plássmeiri og virkaði alls ekki þröngur - sérstaklega þegar um blæjuútgáfuna var að ræða.
Þó að Karmann Ghia sé afskaplega fallegur á að líta og löngu orðinn að perlu í bílaheiminum er eins og hönnuðir hafi verið að flýta sér að klára bílinn þegar kom að mælaborði og takka-pakka.
Allavega eru takkar merktir í dag ef maður hefur ekki bara snertiskjá til að strjúka yfir.
Takka-pakkinn skrítinn
Ljósin voru kveikt með því að toga út takka hægra megin á stýrinu. Takki fyrir þurrkurnar voru beint fyrir ofan ljósatakkann og hann þurfti að toga út líka. Lofttúðunni var stjórnað með takka við hliðina á farþegasætinu. Miðstöðinni (í Bjöllunni var hún bara köld eða ísköld) var stjórnað með takka undir mælaborðinu.
Byggt á grein frá Autblog. Myndir: Zac Palmer.
Aðrar umfjallanir
VW gæti smíðað rafmagns Golf á ný eftir seinkun á rafmagnaða flaggskipinu sem kallað hefur verið Trinity til ársins 2030
Næstu sex mánuðina munum við hjá Bílablogg hafa splunkunýjan VW ID.4 í okkar höndum. Í samstarfi við Heklu munum við gera nokkra skemmtilega og upplýsandi þætti...
Hyundai hefur beðið hönnuðinn Giorgetto Giugiaro að endurskapa Pony Coupe hugmyndabílinn frá árinu 1974...
Nýr Mercedes EQS hefur verið opinberaður. Það má hugsa sér þennan nýja lúxusbíl sem rafútgáfu af nýjasta S-Class, eða sem valkost við bíla eins og...