Toyota seldi nýlega tíu milljónasta Land Cruiser jeppann

Seldur í 170 löndum og svæðum

Land Cruiser frá Toyota er einn af þekktustu bílum í heimi.  Cruiserinn sem rekur sögu sína allt aftur til 1951 og var þá framleiddur undir skammstöfuninni BJ náði nýlega þeim merku tímamótum að hafa selst í 10 milljónum eintaka.

Árið 2018 var salan um 318 þúsund bílar á heimsvísu og um 42 þúsund þeirra voru í Ástralíu einni saman en salan var dræm í Norður-Ameríku eða aðeins um 3 þúsund bílar enda verðið á bílnum í hærri kantinum þar í landi miðað við innlenda bíla.

BJ og FJ (1951–1955)

1950 - Kóreustríðið skapaði eftirspurn eftir léttum farartækjum fyrir herinn. Stríðið kom jeppum til Japans. Bandaríkjastjórn pantaði 100 ökutæki með nýju Willys forskriftinni og fól Toyota að framleiða þau.

Hann var með fjórhjóladrifskerfi eins og bandaríski jeppinn. Hins vegar ólíkt Jeep var Jeep BJ ekki með lágt drif.

J20, J30 (1955–1960)

1955 - Önnur kynslóð Land Cruiser, kölluð 20 serían, var kynnt. Hann var hannaður meira til borgaralegra nota frekar en BJ-jeppinn af útflutningsástæðum. Hann var líka með stílhreinni yfirbyggingu og betri aksturseiginleika vegna lengri fjögurra blaða fjöðrunars em kom úr litlum pallbíl Toyota. Hann var með aflmeiri 133 hestafla 3,9 L sex strokka bensínvél af gerðinni F en notaði þriggja gíra gírkassa fyrri kynslóðar. Innréttingar ökutækjanna voru gerðar þægilegri með því að færa vélina 120 mm fram. 20 seríurnar höfðu enn ekkert lágt drif en voru með samhæfða þriðja og fjórða gír.

J40 (1960–1984)

1960 - 20 serían var uppfærð í sem í dag kallast hin klassíska 40 sería. Toyota gerði margar framleiðslubreytingar með því að kaupa nýjar stálpressur. Hvað vélbúnað varðar fékk FJ40 nýja 125 hestafla 3,9 lítra F vél og Land Cruiser fékk loksins lágt drif en hélt áfram þriggja gíra aðalgírkassanum.

J70 (1984 – nútíminn)

1984 - J70 var kynntur í nokkrum útgáfum, sem bíll með blæju, með hörðum toppi, með trefjarstyrktum plasttoppi, sem þjónustubíll fyrir veitur, með stýrishúsi og grind og „Troop Carrier“ (þar sem aftursætin snúa inn frá hlið). Bensínvél var skipt út með 4,0 lítraL 3F vél. 70 Light var með fjögurra hjóla gormafjöðrun á heilum öxli fyrir betri akstursgæði.

70 Light var selt á sumum mörkuðum sem Bundera eða Landcruiser II, síðar kallað 70 Prado. 70 Prado varð að lokum vinsæll og þróaðist í Toyota Land Cruiser Prado (J90). Sjálfskipting (A440F) var kynnt og þetta varð fyrsta fjórhjóladrifa japanska bifreiðin með sjálfskiptingu.

J60 (1980–1990)

Land Cruiser 60 serían var framleiddur frá 1980 til 1990 fyrir flesta markaði en Cumana-verksmiðjan í Venesúela hélt áfram framleiðslu fram til 1992 á staðbundnum markaði þeirra. Eins og allar kynslóðir Land Cruiser er hann vel þekktur í heimi utanvegaaksturs.

J80 (1990–2008)

Land Cruiser 80 serían var frumsýnd í október 1989 á bílasýningunni í Tókýó og kom á markað snemma árs 1990. Það var með afturhurðum sem sveifluðaust út, sem skipt út fyrir afturhlera og lúgu árið 1994. Land Cruiser fékk viðurnefnið Burbuja (Bubble) í Kólumbíu og Venesúela vegna þess hve rúnnaður hann þótti. Sala Land Cruiser náði 2 milljónum ökutækja.

J100 (1998–2007)

Í janúar 1998 var 100 sería Land Cruiser kynnt til að koma í stað átta ára gamallar 80 seríunnar. 100 seríurnar voru forsýndar í október 1997 sem „Grand Cruiser“ á 32. bílasýningunni í Tókýó. Hönnun bílsins hófst árið 1991 undir kóðanafninu 404T, en lokahönnunin var fryst um mitt ár 1994. Það eru tvær aðskildar útgáfur af 100-seríunni, 100 og 105. Þessar tvær útgáfur líta mjög út, en það er verulegur munur á yfirbyggingunni. Þrátt fyrir þennan mun og opinbert gerðarheiti eru bæði 100 og 105 sameiginlega þekkt sem 100 seríurnar.

J200 (2007 – nútíminn)

Árið 2002 hófst 5 ára þróunaráætlun um arftaka grunngerðar 100 seríunnar undir stjórn þeirra Sadayoshi Koyari og Tetsuya Tada. Árið 2004, 10 árum eftir hönnun forvera síns árið 1994, var endanleg framleiðsluhönnun fyrir 2008 árgerð J200 tilbúin. Frumgerðartengdar prófanir voru framkvæmdar í meira en 2 ár milli 2004 og snemma árs 2007.

Undirvagninn var nýr, fenginn úr annarri kynslóð Tundra en stytt og styrkt um 20 prósent. Stærri hemlum var bætt við og framfjöðrunin var gerð styrkari en forveri hennar. Undirvagninn er einnig varinn með hlífðarplötum. Burðarvirki var endurhannað til að verja farþega betur í kæmi til veltu.

‍