Toyota Aygo X er nýr og stærri smábíll
Hann er stærri, stinnari, hærri, lengri og breiðari. Hann heitir Toyota Aygo X og er hreinræktaður Toyota bíll sem sver sig í ættina. Útlitið byggir svolítið á nýrri línu Toyota samanber Yaris Cross og hinn alveg nýja Corolla Cross.
Skemmtileg hönnun nýs Aygo X sver sig í nýja línu Toyota.
Toyota Aygo X hefur verið kynntur hjá Toyota umboðsaðilum um land allt. Um er að ræða alveg nýja hönnun á þessum skemmtilega smábíl.
Samstarf þetta tók enda árið 2021 og hefur því alveg nýr bíll litið dagsins ljós.
Fullvaxinn smábíll
Toyota Aygo X er stærri en maður ímyndar sér þegar maður sest undir stýri. Bíllinn er 12,5 sm. breiðari, 23,5 sm. lengri og 5 sm. hærri en fyrirrennarinn.
Farangursrýmið er um 231 lítri og 60 lítrum stærra en á eldri gerðinni.
Hins vegar er rýmið í aftursætum það sama en Toyota ákvað að hönnunarbreytingin myndi gefa aukið farangursrými og rými fyrir ökumann og framsætisfarþega. Það hefur tekist svona ljómandi vel.
Skottpláss er umtalsvert meira en áður.
Nýr Aygo X er breiðari og lengri en forverinn.
Nýr Aygo X er örlítið hærri á vegi en áður en maður situr rúmlega 5 sm. hærra í bílnum en þeim gamla. Því tekur maður vel eftir því sjónlína er talsvert há og útsýni um fram-, aftur- og hliðarrúður mjög gott.
Áberandi afturendi setur svip sinn á bílinn.
Fullbúinn bíll
Grunntýpan af bílnum eins og Toyota á Íslandi býður hann er ágætlega búin. Sú heitir Aygo X Play. Í honum er meðal annars bakkmyndavél og lyklalaust aðgengi.
Millitýpan heitir Aygo X Pulse og er eins og bíllinn sem við fengum til reynslu.
Dýrasta týpan heitir svo Aygo X Limited og er alveg glymrandi flottur á 18 tommu felgum, tvílitur, með JBL hljómkerfi með Subwoofer, 9 tommu margmiðlunarskjá og fjórum fjarlægðarskynjurum að framan og aftan.
Led ljós og þokuljós í neðri hluta stuðarans.
Fínt aðgengi og hurðir opnast vel.
Frekar þröngt út- og innstig að aftan.
Í reynsluakstursbílnum var ennfremur skynvæddur hraðastillir, akreinavari og akreinastýring, umferðaskiltalesari og þráðlaus hleðsla á síma.
Bakkmyndavél í 8 tommu skjá.
App tengdur
Með MyT appinu í símanum getur þú lesið skilaboðin, kveikt á kælingu í farþegarýminu eða opnað bílinn. Pulse týpan kemur tvílit en Limited týpuna getur þú pantað með þínu uppáhaldslitaþema.
Þannig getur þú kryddað útlit bílsins eftir þínu höfði.
Plássið frammí er sérlega gott og fínt pláss fyrir fætur. Jafnvel stórir einstaklingar eiga auðvelt með að sitja undir stýri.
Toyota Aygo X er búinn CVT stiglausri rafmagns sjálfskiptingu.
Hentar breiðum hópi
Nýi Aygo X fer sérlega vel með mann. Maður situr hærra, nægt fótapláss frammí og allt við hendina. Fjöðrun bílsins hefur fengið uppfærslu og þú finnur lítið sem ekkert við að aka yfir ójöfnur í malbiki.
Þráðlaus símhleðsla.
Aygo X er kemur með 3 strokka, 1 lítra vél sem gefur um 72 hestöfl og framdrifinn. Við hana er tengd CVT, stiglaus sjálfskipting sem gefur silkimjúka tilfinningu í venjulegum akstri. Ef menn ætla að vera þungir á bensíngjöfinni lætur CVT skiptingin hins vegar í sér heyra.
Þriggja strokka, 1 l. vélin gefur um 72 hestöfl.
Skýr og þægilegur upplýsingaskjár í mælaborði.
Klikkar ekki á smáatriðunum
Þessi nýi smábíll er að okkar mati mjög vel heppnaður og mun hagnýtari og þægilegri en áður. Bíllinn hentar efalaust vel í þjónustu fyrirtækja sem lítill þjónustubíll og erum við þá að tala um grunngerðina í því tilliti.
Í stýrinu er hægt að nálgast öll helstu stjórntæki bílsins. Meðal annars skynvædda hraðastillinn.
Reynsluaksturbíllinn var á 17 tommu felgum en Limited týpan kemur á flottum dökkum 18 tommu felgum.
Það er svo Limited týpan fyrir þá sem vilja skera sig úr og ef til vill tengja fatastíl sinn við bílinn. Á Limited týpunni er mögulegt að velja úr fjölda sterkra litatóna sem undirstrika persónuleika eigandans sem og bílsins.
Helstu tölur:
Verð á reynsluakstursbíl: um 3.700.000
Hestöfl: 72 hö.
Vél: 1.000 rms., þrír strokkar.
Tog: 93 Nm.
Eyðsla bl.ak.: 5.0 ltr/100km.
Eigin þyngd: 940-1.015 kg.
L/B/H 3.700/1.740/1.525 mm.
Myndataka og myndvinnsla: Dawid Galiński.
Aðrar umfjallanir
Ég hef sagt það áður þegar ég reynsluek bíl og segi það enn og aftur, það að fólk velji sér jepplinga yfir jafn magnaða, plássmikla og þægilega fólksbíla og Toyota Camry...
Allt frá því að Jeep kom fram með sinn eina sanna jeppa fyrir um 75 árum hefur átt sér mikil þróun á þessu sviði bíla. En vörumerkið Jeep hefur haldið sig við upphaflega markmiðið og...
Það vantar ekki að Frakkar kunna að hanna fallega bíla. Það á sannarlega við um Renault Clio og frá því hann „endurfæddist“ útlitslega árið 2012 (Clio IV) þá hefur...
Toyota Corolla er án efa einn af gullmolum bílasögunnar. Hann er mest seldi bíll í heimi ár eftir ár og nú hafa 12 milljónir manna...