Er þetta grunnur að nýjum rafdrifnum Honda HRV?
- Honda e: frumgerð sportjeppa opinberuð á sýningunni í Shanghai
- Sá fyrsti af 10 rafknúnum bílum sem Honda hefur skipulagt næstu fimm árin
Honda hefur opinberað nýjan hugmyndabíl á bílasýningunni í Shanghai sem nú er í gangi. Nafnið er fremur ólýsandi og undarlegt, Honda sportjeppi e:prototype eða „frumgerð“, en lýsir nákvæmlega hvað það er - rafknúinn sportjeppi.
Þar sem Honda e rafbíllinn hefur fengið góða dóma var það eiginlega sjálfsagt að Honda myndi fylgja eftir með svipuðum hugmyndabíl í „crossover“-stíl.
Það er kallað sportjeppi, en í Asíu nær hugtakið bæði yfir „crossover“-bíla og jeppa byggða á stigagrind (ef þú ert að tala sérstaklega um þá síðarnefndu, myndirðu segja 4x4 eða 4WD). Og já, sportjeppar eru að taka yfir markaðinn í Kína líka.
![image](https://img.bilaskra.is/images/1619091609_7477007587961161314_1831872776448821.jpg)
10 rafbílar á leiðinni
Meira um vert, Honda hefur stór áform um rafvæðingu í Kína. Fyrirtækið segir að þessi sýningarbíll sé fyrsti af 10 rafknúnum ökutækjum sem það ætlar að kynna þar á næstu fimm árum.
Honda segir lítið um nánari tæknilýsingar, en það er þróun á sportjeppanum Honda e:concept eða hugmyndinni sem sýnd var í Peking árið 2020.
Ólíkt forveranum er þessi bíll nú með fjórar hurðir og það sem virðist vera raunverulegt hleðslutengi á bak við Hondamerkið á framendanum.
![image](https://img.bilaskra.is/images/1619091610_1262192327740759225_1831874237783808.jpg)
Stóru loftinntökin að framan eru horfin, í staðinn fyrir hreint yfirborð sem er með par af (líklega ekki á bílnum sem fer í framleiðslu) LED ljósastikum neðst. Þegar á heildina er litið vekur útlitið upp hugmynd um örlítið meira aðlaðandi HR-V, með andstæðu þaki og meira kantaðar hliðar.
Það uppfærir núverandi leiðsögu- og upplýsingakerfi einnig og mun byrja að sjást í bílum Honda síðar á þessu ári.
![image](https://img.bilaskra.is/images/1619091611_5347549702182821647_1831875582661392.jpg)
Þessi sportjeppi e:prototype lítur út fyrir að vera tilbúinn í framleiðslu og það kæmi ekki á óvart að sjá aksturshæfa útgáfu fljótlega.
(byggt á fréttum frá bílasýningunni í Shanghai, Autocar og Autoblog)
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1616089211_7182896245085072634_1934627670851779.jpg)
Hugmyndabíll Toyota Aygo X Prologue bendir til breytinga yfir í gerð sportjeppa fyrir arftaka Aygo smábíls bílaframleiðandans.
![](https://img.bilaskra.is/images/1612442395_3587673476836869489_3817857345000.jpg)
Þetta er fyrsti bíll þeirra á Evrópumarkað sem er með nýja hönnununarútlit Hyundai...
![](https://img.bilaskra.is/images/1641364807_2636060971105770473_1932844723286067.jpg)
Mercedes hefur lagt áherslu á framtíð rafbílatækninnar með því að afhjúpa Vision EQXX hugmyndabílinn; bíl sem kemst lengra en 1.000 km á einni hleðslu og forsýnir ofurhagkvæman rafknúinn framleiðslubíl frá Mercedes sem kemur væntanlega í kjölfarið í sölu árið 2024.
![](https://img.bilaskra.is/images/1616089827_6900425467686629866_1935243227267062.jpg)
Allir vita að nútíma bifreiðar eru hlaðnar öryggisbúnaði. En það var ekki alltaf svo. Fyrstu bílarnir voru í raun ekkert annað en vélknúnir hestvagnar...