Sixt í Evrópu kaupir 100.000 rafbíla frá BYD
Samningurinn við Sixt er sóknarfæri fyrir kínverska rafbílaframleiðandann BYD, sem leitast við að ná fótfestu í sölu rafbíla á mörkuðum í Evrópu, þar á meðal Þýskalandi.
Rafbílaframleiðandinn BYD í Kína er á fullri ferð að koma sér inn á rafbílmarkaðinn í Evrópu.
Hér á landi er Vatt, dótturfyrirtæki Suzuki, þegar byrjað að selja sendibíla frá BYD og sala á fólksbílum er væntanleg hér líka, en eins og við höfum áður fjallað um þá áætlar BYD af hefja sölu á þremur nýjum gerðum fólksbíla: Atto 3 litlum crossover, Tang stærri fjölnotajeppa, og Han stórum fólksbíl. Afhending hefst undir lok ársins.
BYD – Tang, Han og Atto 3 munu koma á Evrópumarkað á síðasta ársfjórðungi 2022
100.000 rafbílar frá BYD til Sixt
Samkvæmt frétt frá Reuters á vef Automotive News Europe mun bílaleigan Sixt kaupa um 100.000 rafknúin farartæki frá BYD í Kína samkvæmt samstarfssamningi sem fyrirtækin tvö hafa undirritað.
Sixt hefur einnig samþykkt að kaupa um 100.000 rafbíla til viðbótar fyrir árið 2028, bætti fyrirtækið við.
Sixt mun leigja evrópskum viðskiptavinum litla jepplinginn BYD Atto 2022.
Sixt sagði að það yrði fyrsta bílaleigufyrirtækið í Evrópu til að bjóða BYD bíla. Fyrsta gerðin sem leigutökum mun standa til boða verður BYD Atto, rafknúninn jepplingur.
Sixt mun hefja að bjóða BYD bíla til leigu í Evrópu í Þýskalandi, Frakklandi, Hollandi og Bretlandi.
Að auki hafa BYD og Sixt samþykkt að kanna tækifæri til samstarfs á ýmsum svæðum í heiminum, að því er segir í tilkynningunni.
(frétt á vef Automotive News Europe)
Aðrar umfjallanir
Á dögunum hélt Stellantis sérstakan „rafbíladag“ og þar mátti víst sjá ýmislegt sem væri í vændum frá þeim í framtíðinni. Þar á meðal...
Í samanburði við núverandi 308 er nýi bíllinn 110 mm lengri, hjólhaf hans hefur aukist um 55 mm og hæð hans hefur minnkað um 20 mm...
Polestar hefur tilkynnt um út nýja hugbúnaðaruppfærslu fyrir „Long range Dual Motor“ Polestar 2 sem eykur aflið um 68 hestöfl...
Toyota mun sýna nýjan hugmyndabíl þann 17. mars sem kallast X Prologue; hugmynd sem sýnir nýr lítinn rafknúinn sportjeppa sem gefur okkur...