Frumsýningar helgarinnar
BL frumsýndi alveg nýjan BMW iX 100% rafmagnsbíl í gær. Þetta er fyrsti stóri bíllinn frá BMW sem kemur 100% rafdrifinn. Það er óhætt að segja að bíllinn veki athygli. Fullt var út úr dyrum hjá BL í gær þegar við kíktum á bílasýningu hjá þeim.
BMW iX kemur í fjórum búnaðarútfærslum og kostar frá 10.990.000 kr. Rafhlaðan í bílnum skilar frá 71 kWst. og í dýrustu týpunni er hægt að fá rafhlöðu með rúmlega 105 kWst. hleðslugetu.
Drægni þess bíls er allt að 630 km. samkvæmt WLTP staðlinum en með minni rafhlöðunni er drægnin allt að 425 km. skv. WLTP.
Nóg pláss í BMW iX
Þegar maður virðir þennan bíl fyrir sér, sér maður fyrir sér gæði og þægindi. Rýmið í bílnum er eftirtektarvert og pláss fyrir farþega virðist meira en gengur og gerist í bílum í svipuðum stærðarflokki. Veghæð er rúmlega 20 sm. og dráttargetan 2.500 kg.
Þægindi og gæði
Ef þú kýst allan pakkann þá kostar Xdrive50 bíllinn 14.790.000 kr. Eftir það getur þú að auki pantað til dæmis Panorama Sky lounge glerþak á 500 þúsund.
Bowers and Wilkins Diamond surround hljóðkerfi á 750 þúsund og reiðhjólafestingu á krók á 130 þúsund.
Nýr bíll hjá Toyota
Í Kauptúni voru þau hjá Toyota að frumsýna bíl sem margir hafa beðið spenntir eftir að berja augum. Yaris Cross er er glæsilegur SUV/CROSSOVER bíll sem við hér heima höfum kallað sportjeppling.
Bíllinn kemur í nokkuð mörgum útfærslum. Sá ódýrasti er á 4.750.000 krónur, með 1,5 l. 125 hestafla bensínvél og CVT skiptingu.
Yaris Cross er nýr bíll með meiri veghæð
Bíllinn er boðinn sem hybrid sem þýðir að hann nýtir bæði rafmagn og bensín til að knýja bílinn áfram en þú þarft aldrei að hlaða. Þannig er bíllinn boðinn í fimm mismunandi útgáfum sem kosta frá 5.080.000 kr. og upp í 6.280.000 kr. Hybrid bíllinn skilar um 116 hestöflum.
Hægt er að fá nýjan Toyota Cross fjórhjóladrifinn, AWD-I sem kostar 500.000 kr. aukalega. Þú getur svo valið þér allskyns aukahluti eins og gangbretti á 231.004 krónur, lista á stuðara fyrir 131.644 krónur og filmur í rúður fyrir 46.900 kr.
Aðrar umfjallanir
Framljósin sem kallast hafa „pop-up“, „flip-eye“ eða „hidden-headlights“ settu sannarlega svip sinn á bíla, einkum sportlegri bíla, hér á árum áður. Þessi hönnun ljósa fór bílum misvel en hér er listinn minn yfir flotta og ekki svo flotta bíla með „pop-up“ ljósum.
Í gamla daga var ekkert verið að skafa af hlutunum. Það var ekki talað um jeppling, sportjeppa, krossover eða SUV...
Það var fyrir 50 árum að Nissan stimplaði sig rækilega inn í rallý heiminn með einum frægasta sigri sínum, í East African Safari rallinu á hinum goðsagnakennda...